ATITI AWM ANGCHEI NAI 47:11 - Khumi Common Language Bible

¹¹ Naibaly Josepha ly samrang i leu pei nai kamta, ampo hawi amjochi ai, Ramese mary kang sa, Aikupta pri y khaileaung hawi keh nai meingtym pei iy awm hai bo.

ATITI AWM ANGCHEI NAI 47:11 ပူးပေါင်းရင်းမြစ်များ

ATITI AWM ANGCHEI NAI 46:34

Kaichi ly amsi pajochi deung i dengdai vaini khrairei, beram hawi sichi khawn u nai ne, nanai thui pi. Huna khala naini nangchi ai Kosen meingtym y awm ai nai ang pei ai,” nanai thui pi bo. Aikupta khumichi ly beram typ nai keungchi ai paso nai deaungkho y, Josepha my huna nai kamta thui hai nai ne.

ATITI AWM ANGCHEI NAI 47:27

Israela chengchi ly Aikupta pri Kosen meingtym y awm u i, nang py nang, peung py peung u nai ne.

ATITI AWM ANGCHEI NAI 47:6

Aikupta pri ly nichi i pri ne. Kosen meingtym y awm u sy, hawi keh nai khaileaung meingtym py ne. Naibaly nichi theung y sa thai naira awm naichi ai ly kai i tawnbawichi ai kry nai keung y khai,” napi.

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

THEU NAI 12:37

Israela chengchi ly Ramese mary dengdairei Sukkoth mary mang y tako u amteaung bo. Neampachychi hawi deaungdichi ai kati y naimy, neampacho ka-cheang leaung 600,000 rei awm vi na.

ISAIA 22:24

“Na i py amjo amnauchi hawi, ni teng y abyh anghawi naichi ly ni i vui y myn kaji lawm ai. Khangmuira y bang nai laawm sorachi kamta, nichi ly ni teng y anghawi u ai.

Kati Nai 33:3

Israela chengchi ly Katlen Vui nai Pawi sa angchei nai bo baly, angchei lo kani holai pangrei kani y, Aikupta pri i dengdairei theu u nai ne. Nichi ly Areng my ama hai nai saho y, Aikupta chengchi i mei ka-niu y Ramese mary dengdairei theu u bo.

JOHAN 10:10

Paviu nai khumi ly paviu ai nai hawi, padei ai nai hawi, taphra ai nai ny y baly jeu y leang; kai naini nichi hengra nga thai ai nai, nga tleaung nga ra thai ai nai kang jeu bo.

JOHAN 10:28

kai ly nichi teng y deungtasarei hengra kapei; nichi ly deungtasa ryrei tamo y ai; ami py kai i kiu i nai ang lawm pi y leang.

JOHAN 14:2

Ngaai i yhm y awmra neangneang awm; by y nai khyly kaimy kang thui pi ai bo; nangchi i vui meingtym sa rym ai nai kai chei ai bo he.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.