ATITI AWM ANGCHEI NAI 45:6 - Khumi Common Language Bible

⁶ Hini pri y takang theu nai saneng nyhrei awm khyh rai; li hlau sa ai nai hawi choh bai palo pakym achu ai nai ngo pajau y nai saneng pangrei awm rai.

ATITI AWM ANGCHEI NAI 45:6 ပူးပေါင်းရင်းမြစ်များ

ATITI AWM ANGCHEI NAI 37:2

Hinichi ly Jakob i dengtheungchi i satang ne. Josepha ly saneng holai saryhrei awm nai khala y, ampo i aju miseaung nu Zilpah hawi Bilaha nini i chapochi hawi vanrei beramchi, mi-ichi typ nai ne. Mymy ly amjochi i sa nai sai hawi y naichi ampo teng y amti pi reng.

ATITI AWM ANGCHEI NAI 41:35

Vawi takhra nai miteaung kehchi ai choh nga nai neng saneng saryhrei sala y pakym nai choh ai ly mary tleirei y pateung achu hai ba.

ATITI AWM ANGCHEI NAI 41:53

Aikupta pri y amo theu ai hawi parai nai amti amjang, choh bai palo hawi nai nga nai saneng saryhrei neng ly tem bo;

ATITI AWM ANGCHEI NAI 41:54

Naibaly Josepha i thui nai kamta saneng saryhrei takang theu ai nai ly amteaung bo. Pri tleirei y py khri pa-rei takang theu; na i py Aikupta pri y ly choh neangneang awm nai ne.

ATITI AWM ANGCHEI NAI 41:56

Takang ly pri verei y theu bo; takang ly khri pa-rei ho nai deaungkho y Josepha ly chohpaichi paeaung iy Aikupta khumichi teng y jo pi bo.

ATITI AWM ANGCHEI NAI 47:18

Vai sanengrei bi baly nichi ly Josepha teng y chei iy, “Areng awi, kaichi ly tangka py kheih be bo, tawnbawichi py nang teng y tym be veng bo, nanai ly nang pany nai teu bo. Kaimychi i tlang ka-keu hawi, li hlauchi ny y baly nang ai kang pei ai nai ati sai py by y leang bo.

ATITI AWM ANGCHEI NAI 47:23

Josepha my khumi mipuichi teng y, “Nangchi niu nai kamta kaimy nangchi hawi nangchi i khaileaung ai py samrang i vui y van pi veng bo. Nangchi i khaileaung y pati u ai nai choh ti lo u.

THEU NAI 34:21

Nangchi ly kani tariurei sala y kalop so u ly saryh kani y ly anawn ai nai tla; li thawn nai neng hawi hlau i amti amjang pakym nai neng khala py, anawn ai nai tla.

ISAIA 30:24

Nangchi i li khaileaungchi thawn pi nai sichi, keaungngo kano kasauchi ly hawi keh, chai keh nai teichachi cha ai nai nga ai.

Leu Thui Nai 21:4

Huni si nu ai tui kang y nai tavo micheaung sahawi i khaileaung kangheng meingtym mang y pahawi ly hunira y si nu i kaneaung khei iy tleh ai nai tla.

1 SAMUELA 8:12

Ni ly phyreichi ai khumi leaung sangrei peang nai tavailu areng, phyreichi ai khumi leaung vuipangreichi ai peang nai tavai lura y ang khai ai; nangchi i chapochi ly samrang i lichi thawn iy chohchi tyn ai nai tla ai; ni i tavai ateaungchi, tavai ka-ri ateaungchi sa u ai nai tla ai.