ATITI AWM ANGCHEI NAI 43:3 - Khumi Common Language Bible

³ Juda ly ampo teng y, “Aikupta pri i samrang i bangtang kalen my kaichi ai leu kaji ang pei nai ly kaichi i amnau ai hawi y baly ni i mo y kaichi kun thai ai ny y leang.

ATITI AWM ANGCHEI NAI 43:3 ပူးပေါင်းရင်းမြစ်များ

ATITI AWM ANGCHEI NAI 43:2

Jakob i yhm dengtheungchi ly Aikupta pri i pho nai chohchi cha be veng bo; huna nai khala Jakob my chapochi teng y, “Aikupta pri y chei u bi ly choh van u,” nanai pato.

ATITI AWM ANGCHEI NAI 43:4

Ngaai nangmy kaichi i amnau ai kaichi hawi vanrei pato ai nai pei baly, choh van ai nai kaichi chei ai.

ATITI AWM ANGCHEI NAI 43:5

Nangmy hawi ai nai pei y baly kaichi chei pajau y leang; ati mana nai mo nabaly huni khumi my nangchi i amnau ai hawi u y baly, kai teng y kun ai nai kang pei pajau y leang, ang napi khyp bo,” napi.

ATITI AWM ANGCHEI NAI 44:23

Huna nai khala nangmy, ‘Nangchi i amnau katheang keh ai jeu hai y baly kai i mo y kun ai nai kang pei ai ny y,’ napi bo.

2 SAMUELA 14:24

Na i py samrang ly Abasalom ai samrang i yhm y awm y ai nai leu pei. Samrang my, “Kai ly ni ai niu ai nai ngai y,” napi. Huna nai y Abasalom ly my i yhm y awm teu i py, samrang teng y kun ai nai ngo y.

2 SAMUELA 14:28

Abasalom ly samrang teng y kun ai nai ngo y naimy, Jerusalem mary y saneng nyhrei awm nai ne.

2 SAMUELA 14:32

Abasalom my, “Kai i vui samrang teng y atli pi ai ngai nai deaungkho y, kang palau hai bo. Kai ly ati mana nai y keshura mary khai su iy, hini meingtym y tym lawh mo? Huni mary y awm nai ly kai i vui hawi keh alam ai. Samrang hawi avum ai nai, kai i vui so pi. Kai, kamngo awm lawh baly, samrang ly kai ai padei teu na sy,” nanai Juaba teng y thui pi bo.

2 SAMUELA 3:13

Davida my, “Hawi mang, na i py nang ly kai teng y jeu nai khala y, Sawla i chaniu Mikhala ai hawi ai nai tla. Huna i naini kai ly nang hawi ka-dyh ka-dawi sa ai,” nanai pathang.

AMTAW 20:25

“Naibaly khen cham, nangchi theung y kaimy Tameuh i peang nai satang thui nai aleaung aleaung reng nai ly, nangchi bawibawi ly kai i meimai niu ali y leang bo, nanai kai pany bo.

AMTAW 20:38

mymy i meimai niu ali y ai nai leu thui naira y paleung mawn keh nai ne. Naibaly mymy ai paleaung y tym pa-rei pavum bo.

AMTAW 7:34

Aikupta pri y awm nai kai i khumichi i ngari patang nai sai ly kaniu bo mang, mymychi i tangam nai py kai ly thai jojo, kai ly mymychi ai palawi ai nai kang satla nai bo. Khen cham, nang ai Aikupta pri y kang pato ai,’ napi.