ATITI AWM ANGCHEI NAI 41:52 - Khumi Common Language Bible

⁵² Chapo pa-nyh nga nai khala, “Tameuh my ngari kamtang avum nai pri y kai ai cho chanau amtheaung hai bo,” nanai thui iy huni chapo ai ly Ephraim, nanai amyn pathi bo.

ATITI AWM ANGCHEI NAI 41:52 ပူးပေါင်းရင်းမြစ်များ

ATITI AWM ANGCHEI NAI 17:6

Kaimy kangpreang neangneang peung hai ai i, phyrei ly samrangchi lawm u ai. Cheng cheaungkhang khumichi lawm ai nai, nang ly kangpreang neangneang peung ai.

ATITI AWM ANGCHEI NAI 28:3

Ati cheaungkhang sa thai nai Tameuh ly nang ai amtheaung hai ai i, deaungdi neangneang peung hai iy nang ai khumi cheng cheaungkhangchi i ampo lawn hai sy!

ATITI AWM ANGCHEI NAI 41:51

Josepha my, “Tameuh ly ngaai i yhm dengtheung bawibawichi ai py, kaimy i avum nai ngari kamtangchi ai py, tami hai veng bo,” napi. Hunai deaungkho y chapo chalu ai ly Manase, nanai amyn pathi.

ATITI AWM ANGCHEI NAI 41:53

Aikupta pri y amo theu ai hawi parai nai amti amjang, choh bai palo hawi nai nga nai saneng saryhrei neng ly tem bo;

ATITI AWM ANGCHEI NAI 48:1

Huni bo y Josepha ly ampo no jo, nanai thai i chapo leaung nyhrei Manase hawi Ephraim ai hawi iy ampo Jakob ai no de ai nai chei u bo.

ATITI AWM ANGCHEI NAI 48:14

Na i py Jakob ly mymy i kiu akhengkhi iy lamtang kiu ai ly amnau Ephraim i lu tleaung y tamam pi, langvawi kiu ly amjo Manase i lu tleaung y tamam pi nai ne.

ATITI AWM ANGCHEI NAI 48:5

Jakob my Josepha teng y thui pi bi nai ly” kai hi y ang pyn y rai kha y Aikupta pri y tapen nai nang i chapo Ephraim hawi Manase ai py, kai i chapo Ruben hawi Simeon ai kamta kapalawn ai.

ATITI AWM ANGCHEI NAI 49:22

“Josepha ly tuino sampum sahawi y tlai nai keaungngo kano kasau karam atawm. Ni ly mawi tahyh y tlai nai keaungngo kano kasau karam cho py atawm.

ATITI AWM ANGCHEI NAI 50:23

Mymy ly Ephraim i chanauchi hawi katuchi ai niu nai pa-rei heng. Mymy ly Manase i chapo Makhira i chanauchi ai py tapawm ai nai nga nai ne.

AMOS 6:6

Kreip hang khau verei nei iy, hawi keh nai mui katui amthym u bo. Na i py Israela pri phra nai ai ly paleung si y naimy awm u lawh ly!

Kati Nai 26:28

Josepha theaungra i ly Manase hawi Ephraim ne. Josepha ly Manase hawi Ephraim nini i ampo ne.

AMTAW 7:10

mymy i patang naira bawibawi y lawi hai jojo: Aikupta pri i samrang Pharaoa ai py tamen hai i, khumi cheng parai nanai py pany hai; hunaibaly mymy ai ly Aikupta pri hawi mymy i yhm y awm nai khumi bawibawichi i tlang tleaung y krykeung y palawn bo.

JOSUA 16:4

Josepha i kangpreangchi napi nai, Ephraim theaung hawi nidym mang i Manase theaungchi ly mychi i vui hini khu ka-peang amtym u bo.

JOSUA 17:1

Josepha i chapo chalu Manase i kangpreang dengtheung phyreichi py, Jordan tavo nidym mang i khu ka-peang phyrei amtym u nai ne. Kilead i ampo Makhira ly Manase i chapo chalu ne; tavaimi sorai risa py ne. Hunai deaungkho y ni ly Jordan tavo nisi mang i Kilead khu hawi Basen khuchi ai nga bo.

1 SAMUELA 1:20

Hunai deaungkho y Hannah ly deaungdi aniu i, chapo tapen. Ni my, “Kai ly Areng teng y hnei nai deaungkho y, hini chapo nga nai ne,” nanai thui i, amyn ly Samuela pathi bo.