ATITI AWM ANGCHEI NAI 41:49 - Khumi Common Language Bible

⁴⁹ Ni i pateung achu nai chohchi ly pangli spryh kamta tanrei nawi na nai deaungkho y neh hai y bo.

ATITI AWM ANGCHEI NAI 41:49 ပူးပေါင်းရင်းမြစ်များ

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

ATITI AWM ANGCHEI NAI 41:48

Josepha ly saneng saryhrei sala y, lichira i theu nai choh ngiereichi ai pakym achu iy, marychira y khaira sa hai i pateung achu bo. Lichira i theu nai chohchi ly kasa nai marychira y pateung hai bo.

ATITI AWM ANGCHEI NAI 41:50

Takang theu y rai kha y Josepha i vui aju Asenath my chapo leaung nyhrei tapen pi.

JOBA 1:3

Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.

SAM 78:27

Naibaly mymy i khumichi teng y, pangli i spryh jirei nawi nanai tavochi pala pi nai ne.

JEREMIA 33:22

Kai ly kani mang i ka-si taukichi hawi pangli peang i spryhchi kamta, kati pajau y na pa-rei kai i miseaung Davida i kangpreangchi hawi kai i kalop sa nai Levi theaung pathyp pi nai keungchi i vuikanai peung hai ai,” napi.

TARA CHIH NAI KEUNGCHI 6:5

Nichi ly mychi i kanih yhmchi, beramchi, sichi hawi vawi u ali teang reng nai ne. Nichi i nawi nai sai ly akhutama kanghuchi kamta ne. Nichi hawi mychi i kula-iuchi py, kati pajau y na pa-rei nawi na; nichi ly jeu u iy awm nai ngierei ai taphra u.

TARA CHIH NAI KEUNGCHI 7:12

Midian chengchi, Amalek chengchi hawi, khutaha daichi ka-vymra y awm nai khumichi ly akhutama kanghuchi kamta, leaunghawira y i u bo. Nichi i kula-iuchi ly pangli peang y awm nai spryh jirei nawi nai ne.

1 SAMUELA 13:5

Philistia chengchi ly Israela chengchi ai tiu ai nai akachu u. Nichi teng y keaungngo ka-ri 30,000 rei, keaungngo atang nai risa leaung 6,000 reichi hawi, pangli peang i spryh kamta kati pajau y na pa-rei, nawi nanai tavaimi risachi awm. Nichi ly amsa u i, Bethavan nisi mang i Mikhama mary y tai u bo.