ATITI AWM ANGCHEI NAI 41:38 - Khumi Common Language Bible

³⁸ Naibaly samrang ly nichi teng y, “Josepha ly Tameuh teng i cheng naira nga nai khumi ne; ni tleaung y hawi keh nai khumi hau i py achi niu pajau y leang,” napi.

ATITI AWM ANGCHEI NAI 41:38 ပူးပေါင်းရင်းမြစ်များ

ATITI AWM ANGCHEI NAI 41:37

Samrang hawi miteaung kehchi ly Josepha i thui nai kamta sa ai nai ngai u bo.

EZARA 7:25

Nang, Ezara ly nang teng y Tameuh my ang pei nai cheng naira ai teaung iy Euphrat tavo pui nidym ka-peangra y, nang i Tameuh i leu tangai u nai khumi bawibawichi ai peang ai nai molam y, peang nai keungchi hawi tara chih nai keungchi ai khai takhra ba. Nang ly huni reita leu pany y nai khumichi ai patiu pi ba.

JOBA 32:8

Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

LEU KACHENG 14:35

Samrang ly kalopra y kyhchaw nai miseaung ai ly khrei; na i py vang y nai khumi ai ly pajeng nai ne.

LEU KACHENG 22:29

Amy i kalop ra y kawp hawihai nai khumi ly samrang teng y kalop sa ai nai nga ai. Khumichi i kalop ai sa pi ai ny y.

ISAIA 19:11

Zoan mary i khumichi ai lu sa nai keungchi ly tau ka-khumchi lawm u lawh ly! Aikupta pri i tau pei nai amyn kamthang khumi kachengchi py, hawi y nai katauchi pei u lawh ly! Nichi ly amychi ai ati mana nai y, jangni i khumi kachengchi hawi samrangchi kangpreang ne, nanai samrang teng y thui ai nai vam u lawh mo?

DANIELA 4:18

Samrang Nebukhadnezar my, “Hini ly kai i niu nai amang ne. Nang Beltesazar awi, vai ly kai ai huni amang i awm nai sai thui pi pachai ba. Huni ai kai i tau pei nai miteaung keh leaungrei py, thui pi pachai thai y. Na i py chai parai nai tameuhchi i phailo ly nang teng y awm nai ne i, nang ly huni amang i awm nai sai thui pachai thai nai ne,” napi.

DANIELA 4:6

Kai ly amang i awm nai sai thui pi pachai pi ai nai, tau pei nai miteaung keh bawibawichi ai kapalau bo.

DANIELA 5:11

Nang i pri theung y chai parai nai tameuhchi i phailo kawi nai khumi leaungrei awm. Ngampo samrang deung khala y, huni khumi teng y cheng naira hawi lulip pany nai, tameuh kamta cheng nanai pa-rei amthang nai ne. Ngampo samrang Nebukhadnezar ly ni ai leung sara, atam sara, vawinam pakun kawp nai sara, vawinam patheu kawp nai sara hawi amo sarachi i, miteaung keh y palyn pi bo.

DANIELA 5:14

Tameuhchii phailo ly nang teng y awm nai ne i, nang ly pany thai naira, tau cheng nairachi kawi angym nai ne, nanai kai ly thai bo.

DANIELA 6:3

Naibaly kra y naimy Daniela ly takhra lu sa nai kamkawmchi, bangtang kalenchi tleaung y, sa nai sai hawi nai khumi ne, nanai pany. Ni ly khri pa-rei kawp katlen nai deaungkho y, samrang ly ni ai empara pri verei y, lu sa hai ai nai dawn bo.

DANIELA 6:4

Naibaly takhra lu sa nai kamkawmchi hawi bangtang kalenchi ly Daniela i kalop sa naira y, tamang naira hau u. Na i py tamang nai ati sai py avum y. Ati mana nai mo na baly Daniela ly ka-ym awm nai khumi ne i, tamang naira, teng y naira so y nai deaungkho y ne.

Kati Nai 27:18

Areng my Mosi teng y, “Nun i chapo Josua ly sa thai naira awm nai khumi ne nai deaungkho y, ni i lu tleaung y nang i kiu tamam pi.