ATITI AWM ANGCHEI NAI 4:21 - Khumi Common Language Bible

²¹ Ni i amnau ly Jubala ne. Ni ly Byhlyh hawi taro cheaungpreng beu kawp nai keungchi i amsi pajo ne.

ATITI AWM ANGCHEI NAI 4:21 ပူးပေါင်းရင်းမြစ်များ

ATITI AWM ANGCHEI NAI 31:27

Ati mana nai kai ai tapawp iy kai teng y thui pi y naimy kangviu y preang vui lawh mo? Kai teng y thui pi i khyly taro, atym, sa-ra beu naimy amo theu nai khulym thui iy kang pavum ai chybo.

ATITI AWM ANGCHEI NAI 4:20

Adah ly Jabala ai tapen: Jabala ly si hawi beramchi khawn iy, kanih tangbeungra awm naichi i amsi pajo ne.

ATITI AWM ANGCHEI NAI 4:22

Zillah my Tubal Ka-ina ai tapen; ni ly paitheng, paiphi thip kawp nai keungchi i amsi pajo ne. Ni i tuicho ly Naamah ne.

JOBA 21:12

Taro hawi byhlyh katynchi kamlym y lam u.

SAM 150:4

Atymchi beu iy lam naimy mymy ai palo u. Tarochi, byhlyhchi hawi mymy ai palo u.

ISAIA 5:12

Nangchi i pawichi sa naira y tarochi, atymchi, byhlyhchi hawi kreip hangchi abawi reng nai ne. Na i py Areng ly ati mana sa mo, nanai nangchi pany y.

AMOS 6:5

Nangchi ly Davida kamta khulymchi adih iy, tarochi beu naimy khulym thui ai nai ngai u.