ATITI AWM ANGCHEI NAI 39:3 - Khumi Common Language Bible

³ Areng my Josepha teng y awm hai nai deaungkho y mymy i kalop sa nai tleirei y eaung naira nga nai niu bo.

ATITI AWM ANGCHEI NAI 39:3 ပူးပေါင်းရင်းမြစ်များ

ATITI AWM ANGCHEI NAI 21:20

Tameuh my huni deaungdi ai tleaungri cheang pa-rei huni deaungdi teng y awm hai; mymy ly Paran daichi ka-vym y awm i, mawi sara kalen lawm nai ne.

ATITI AWM ANGCHEI NAI 21:22

Huni neng khala, Abimelek ly my i tavailu Phikol hawi Abraham teng y chei i mymy teng y, “Nang i sa naira tleirei y Tameuh my awm hai nai ne.

ATITI AWM ANGCHEI NAI 21:23

Hunai deaungkho y kai hawi kai i kangpreangchi ai py, kai i cho chanauchi ai py, nang ly tapawp y leang, nanai Tameuh i mo y vaineng abeu ba. Kai py nang i vaineng sa nai kamta kang tapawp y leang mang; nang hini pri y awm nai thym khala kai py ka-ym awm ai, nanai leu adeu bo,” napi.

ATITI AWM ANGCHEI NAI 26:24

Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi.

ATITI AWM ANGCHEI NAI 26:28

Nichi my, “Areng ly nang hawi vanrei awm, nanai kaichi pany bo; achi sala ka-ly sa ai nai hawi, nanai kaichi dawn; hunai deaungkho y kaichi ly nang ai leu adeu hai ai nai ngai;

ATITI AWM ANGCHEI NAI 30:27

Huna nai khala Labana ly mymy teng y, “Kaimy kang thui pi ai; nang i saho y Areng my kai ai amtheaung hai, nanai kang pany pi bo.

ATITI AWM ANGCHEI NAI 30:30

Kai tym y rai khala nang i tawnbawichi ly maidenreichy khyh, vai ly neangneang peung bo. Kai i saho y Areng ly nang ai amtheaung naira ang pei nai ne. Vai kai ly kaimy i dengtheungchi i vui nang chawn ai nai molam kalop sa ai nai neng tym bo,” napi

ATITI AWM ANGCHEI NAI 39:2

Areng my Josepha ai awm hai nai deaungkho y, ni i dawn naira tleirei y eaung hai jojo. Ni ly my i yhmkeung Aikupta khumi i yhm y awm bo.

ATITI AWM ANGCHEI NAI 39:21

Na i py Areng my Josepha ai awm hai nai deaungkho y amtheaung hai; naibaly theaung kry nai keung teng y mymy ly meimai kahawi nga nai ne.

ATITI AWM ANGCHEI NAI 39:23

Theaung kry nai keung ly Josepha teng y kalop au nai bo y, mymy ly sai py dawn ai nai ngai bi y leang bo; ati mana nai mo nabaly Areng my Josepha ai awm hai nai deaungkho y, mymy i sa nai tleirei y eaung naira nga hai nai ne.

2 ARENG KEH 18:7

Hunai deaungkho y Areng ly ni hawi vanrei awm nai ne i, ni ly sa naira tleirei y eaung bo. Ni ly Asuria empara samrang i anui y kham pi y i, tiu lawh nai ne.

1 NENG SATANG 22:13

Nang ly Israela chengchi i vui Mosi teng y Areng my pei nai reitachi ai kry baly, nang i dawn nai kamta eaung ai. Atho so ly ka-ym awm ba. Ati sai py jei moh.

1 NENG SATANG 9:20

Eleaza i chapo Phineha ly vaichi khala, huni khumichi ai lu sa nai ne. Areng ly ni hawi vanrei awm.

2 NENG SATANG 1:1

Samrang Davida i chapo Solomon ly Israela pri y khaw parai naimy peang i, ni i Areng Tameuh my ni ai amtheaung naira pei nai deaungkho y, ni ly khri pa-rei sa thai naira awm bo.

2 NENG SATANG 26:5

Ni ly my i reita leaungsai tau pei nai keung Zekhariah heng nai ryrei ly Areng ai ka-ym awm naimy chiu nai deaungkho y, Tameuh ly ni ai amtheaung hai bo.

NEHEMIA 2:20

Naibaly kaimy, “Kani pri mang y awm nai Tameuh my ly kaichi ai eaung ai nai pei ai; kaichi ly mymy i miseaungchi ne i, sa palum nai kalop amteaung ai; nangchi ly Jerusalem mary theung y ati sai py peang y, hini mary theung y nangchi hawi amtawn abi nai ka-ma-ra sai py by y leang,” napi.

SAM 1:3

Huni khumichi ly tavo peang y prau nai neng tym baly athai iy ngam ajawi vai y nai keungchi hawi atawm. Nichi ly sa naira tleirei y eaung jojo reng nai ne.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

I KORINTH 16:2

Kai kang jeu nai khala y khai achu nai cheaung nai ly awm y ai nai, kani saryhrei angchei i kani y ly nangchi khumi leaung leaungrei amtheaung naira nga u reng nai kamta khai u achu bawibawi.

Leu Thui Nai 2:7

“Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.

1 SAMUELA 18:14

Areng ly ni hawi vanrei awm nai deaungkho y, ni i sa nai ngierei ly eaung nai ne.

1 SAMUELA 18:28

Areng ly Davida hawi vanrei awm nanai hawi, Mikhala ly Davida ai khrei nanai py, pany hawihai nai deaungkho y,

1 SAMUELA 3:19

Samuela ly veangryh veangryh i Areng ly ni hawi vanrei awm hai iy, Samuela i thui nai ngierei ly sa pi khyp bo.