ATITI AWM ANGCHEI NAI 38:24 - Khumi Common Language Bible

²⁴ Lo thomrei awm nai khala y khumi leaungrei my Juda teng y, “Nang i lengngo Tamar ly bima kamta amlawn nai y, mymy ly vai deaungdi aniu lawh bo, nanai amti pi. Juda my, “Tuni neampachy ai ly angam mang y patheu iy mai y patawi veng,” nanai leu pei.

ATITI AWM ANGCHEI NAI 38:24 ပူးပေါင်းရင်းမြစ်များ

ATITI AWM ANGCHEI NAI 20:3

Vum y Tameuh my samrang teng y amang mang y amteng i, “Nang ly dei ai, ati mana nai mo nabaly nangmy la vui nai neampachy ly juvo awm yb nai ne,” napi.

ATITI AWM ANGCHEI NAI 20:7

Na i py vai ly neampachy ai juvo teng y tha pi ali teang. Mymy ly amo leaungrei ne i, nang i vui chiu so pi na mang; hunaibaly nang ly dei y ai. Na i py nangmy pei pi ali teang y baly nang i khumichi hawi nang ly dei takengkei ai, nanai kaimy leu kang pei,” napi.

ATITI AWM ANGCHEI NAI 20:9

Naibaly Abimelek my Abraham ai palau i, “Nang ly kaichi ai ati mana sa nai mo? Kai ly nang i tlang tleaung y ati sa tamang nai deaungkho y, nang ly kai hawi vanrei kai i pri y ka-jeira tym hai nai mo? Nang ly kai i tlang tleaung y sa ai avo y nai sa lawh ly.

ATITI AWM ANGCHEI NAI 34:31

Na i py nichi my, “Kaichi i tuicho ai bima palawn ai nai kaichi ngai hai y nai ne,” napi.

ATITI AWM ANGCHEI NAI 38:23

Juda ly “Kai i vawn kry phai kry jo teu sy. Khumichi my panui hai na. Kai ly ni ai vang pei pi ai nai atho sa teu i py, nang ly ni hawi avum pajau y bo,” napi.

2 SAMUELA 12:5

Huna nai khala y Davida ly khumi kanang tlang tleaung y khri pa-rei kado theu i, “Huna nai sa nai khumi ly dei ai nai avo!, nanai heng nai Areng i amyn y kai, vaineng abeu bo.

2 SAMUELA 12:7

Nathan my, “Huni khumi ly samrang nangmy ryp bo. Israela chengchi i Areng Tameuh my, ‘Kai ly nang ai Israela samrang y khai iy Sawla kiu tleaung i nai atleu bo.

Parip nai leu 7:26

Kai ly dei naira tleaung y hawi y keh nai khumi ly parawi kawp reng nai neampachy ne, nanai kaniu. Ni i ang pei nai tamen naira ly deaung hawi paleupy kamta, nang ai patiu ai. Nang ai ang takawi nai ni i kiuchi py sengkry kamta khaw typ ai. Tameuh i kangai hawi avum nai khumi ly huni neampachy kiu tleaung i lawira nga ai; kamngo sa nai khumi ly tleaung ai ny y.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 3:8

Israela ly kai ai khai su iy bima kalop sa nai deaungkho y, kaimy khai vui i, kapatheu praw bo. Na i py Israela i tuicho ka-ym by y nai tuicho ly jei y i, mymy naimy bima kalop sa iy,

Ezekiela 16:15

“Na i py nang ly nangmy i mo-cha hawi nai hawi, amthang nai sai y a-ym iy bima lawm bo. Nang ly nang teng y ang jeu nai khumi ngiereichi hawi i ahawi nai ne. Nangmy i mo-cha kahawi py apasai y.

Ezekiela 16:25

Lam sangum tleirei y nangmy chiu ai nai meingtym ka-sangchi sa iy, amy i mo-cha hawi nai ai amso ngai pa-rei sa. Jeu nai khumi lutengchi teng y amy i tlang aau iy, kani tleaung y kanirei, bima lawn tleaung lawnra bo.

Ezekiela 16:26

Paleaung ham parai nai yhm deaungpa Aikupta chengchi ai, mymy hawi vanrei i ahawi ai nai pei iy, bima sa nai ly kai ai kado patheu nai ne.

Ezekiela 16:28

“Nang ly takhra khumichi hawi ngai nai paleung anyp y nai deaungkho y, nang ly Asuria neampachochi hawi tamang bi bo. Na i py nang i ngai nai bym y leang rai.

Ezekiela 16:41

Nichi ly nang i yhmchi ai mai leang pawm iy, nang i pajeng naira avum nai sai ai, neampachy neangneangchi teng y patei ai. Nang i bima kalop hawi neampachochi teng y langseaung pei nai py, kaimy anawn hai ai.

Ezekiela 23:19

Ni ly Aikupta pri y anglo chengthli nai khala i dengdairei sa nai kamta, vai py sa iy hawi y keh nai bima lawm bo.

Ezekiela 23:44

Nichi ly bima nini teng y chei u taleang chei u taleang bo. Nichi ly neampachy hawi y nai Ahola hawi Aholiba nini teng y chei u taleang bi nai ne.

Ezekiela 23:5

Ahola ly kai i aju ne teu i py bima sa veangveang nai, Asuria pri mymy i tavawichi i vui y kamleaung paleung khei y nai ne.

HOSEA 3:3

Nang ly bima kalop so y, takhra khumi hawi kamleaung so y naimy, kai ai kra parai pa-rei ajeng ai nai tla. Kai py ajeng ai,” nanai ni teng y thui pi bo.

HOSEA 4:15

“Nangchi Israela khumichi ly kai i tlang tleaung y ka-ym by y teu i py, Juda khumichi ly huna nai kamngochi so u moh sy, Kilakala mary, ti y baly Bethevanmarychira y chiu u moh. Huni marychira y heng nai Areng i amyn tau iy vaineng abeu u moh.

Levi 20:10

Khumi neampacho leaungrei ly Israela cheng tengtawi i aju hawi tamang lawh baly, nini leaung nyhrei ai padei mei ai nai tla.

Levi 21:9

Pathyp pi nai keung i chaniu ly bima kalop sa lawh baly, my i ampo ai kangji pei nai ne i, ni ai ly mai leng iy padei ai nai tla.

ROM AVANGCHI TENG Y PAWLA I CHA PA NAI 14:22

Nang i ym naira awm nai ly Tameuh hawi nang i sala y awm palai sy. Atiti avo, na naira y ly apsum y nai khumi ly taham hawi.

Leu Thui Nai 24:16

“Cho chanauchi i kamngo nai molam y, amhm ampochi ai padei moh. Hunai kamta amhm ampochi i kamngo nai molam y, cho chanauchi ai padei moh. Khumi luteng ly amy i kamngo molam y naini padei ai nai tla.

TARA CHIH NAI KEUNGCHI 19:2

Na i py huni neampachy ly juvo hawi ajo nai deaungkho y, Bethlehem mary y awm nai ampo yhm y ali vui i, hu y lo palyhrei awm vui.