ATITI AWM ANGCHEI NAI 32:10 - Khumi Common Language Bible

¹⁰ Nang i miseaung kai teng y nang my patei pi nai pahen naira hawi ka-ym awm naira py, kai hawi ataing y nai ne. Jordan tavo angpeang nai khala y, kai teng y cheaungvawi harei awm khyh. Vai kai ly hini phy nyhreichi hawi kavawi ali teang nai bo.

ATITI AWM ANGCHEI NAI 32:10 ပူးပေါင်းရင်းမြစ်များ

ATITI AWM ANGCHEI NAI 18:27

Abraham my, “Areng, nang teng y vam parai naimy kang takeng veangveang nai ly kai ai pahen kyh. Kai ly khumi teu i, takeng ai nai py ataing y leang.

ATITI AWM ANGCHEI NAI 24:12

Ni ly “Kai i yhmkeung Abraham i Areng Tameuh, kai i areng teng y nang i leu adeu nai kamta vaini kai ai eaung hai kyh ba.

ATITI AWM ANGCHEI NAI 24:27

“Kai i areng teng y adeu nai leu ai ka-ym awm hai nai keung, kai i areng Abraham i Areng Tameuh ai ly palo nai awm sy. Areng ly kai i areng i misochi teng y kai ai ang pahawi nai ne,” napi.

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

ATITI AWM ANGCHEI NAI 30:43

Huna nai deaungkho y Jakob ly yhmtheaung katui nawi ryh nawi ryh i, mymy ly tawnbawi kanghuchi, miseaungchi, kula-iuchi hawi keaungngo kano kasauchi py neangneang awm bo.

ATITI AWM ANGCHEI NAI 31:3

Huna nai y Areng my, “Nangmy i amjo manauchi hawi ngampo i awm nai pri mang y vawi ali teang; kai ly nang hawi vanrei kang awm hai ai mang,” napi.

ATITI AWM ANGCHEI NAI 32:5

Kai ly sichi, keaungngo kano kasauchi, beramchi, ma-ichi hawi miseaungchi awm; kai ly nang i meimai kahawi nga ai nai athang khai nai deaungkho y, nang teng y satang kang thai hai man nai ne, nanai amti pi u,” napi.

ATITI AWM ANGCHEI NAI 32:7

Huna nai khala Jakob ly jei nai kaso tahyn theu i, mymy hawi vanrei awm nai khumichi ai phy nyhrei palawn bo; mymy i beramchi, sichi, ma-ichi, kula-iuchi ai py phy nyhrei palawn teang.

2 SAMUELA 17:24

Abasalom hawi Israela chengchi ly Jordan tavo angpeang u nai thym khala y, Davida ly Mahanaim mary y tym veng bo.

2 SAMUELA 7:18

Samrang Davida ly Areng i kanih yhm theung y kun iy ateh i, “Salo kangteng aw Areng, kai hawi kai i yhm dengtheungchi ly kai i vui nang i pahen naira hawi ataing y leang.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

JOBA 8:7

Nang i sum veng chum nai yhmtheaung katuichi ly vai, Tameuh my ang pei ai nai yhmtheaung katuichi hawi pata baly, ati sai py thui kra ai naira by y leang.

SAM 16:2

Kai ly Areng teng y, “Nang ly kai i Areng ne; kai i nga nai hawi naira ngierei ly nangmy pei naichi ne,” napi.

SAM 18:35

Aw Areng, nang ly kai ai ama hai iy atleu; nangmy kry palum nai deaungkho y kai ly veangryh veangryh bo. Nang i sa thai naira molam y chymme naimy awm.

SAM 61:7

Aw Tameuh, ni ai ly nang i mo y deungtasarei peang hai jojo kyh ba; nang i khaw parai nai tamen naira hawi, ka-ym awm nai molam y ni ai ama hai iy kry kyh ba.

SAM 8:5

Ni ai kani pri amtaw thauchi tleaung y anem hai iy, ni ai sa thai naira hawi nang parai naira py pei pi nai ne.

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

LUKA 17:10

Hunai kamta teng nangchi py nangchi teng y leu pei nai kamta sa u bawibawi nai bo y, ‘Achi ly miseaung vang y nai tla he; sa avo naira sa nai teu,’ na u,” napi.

LUKA 5:8

Naibaly Simon Petera ly huna nai niu baly Isu i kheukhu ahawi y ambeu iy, “Areng, kai ai khai su ba, kai ly khumi kamngo he,” napi.

II KORINTH 12:11

Kai ly pathu nai bo he: na i py nangchi my kai ai sa hai nai teu; kai ai ly nangmychi my palo ai nai chy bo; ati mana nai mo nabaly kai ly ati sai py ny y nai teu i py, ati mo ra y py huni amtaw thau nai len keh naichi ai kapho y nai ny y leang.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.