ATITI AWM ANGCHEI NAI 3:16 - Khumi Common Language Bible

¹⁶ Naibaly Tameuh my neampachy teng y, “Deaungdi aniu nai khala patang ai nai, deaungdi tapen nai khala y py khri pa-rei patang hai ai. Nang ly juvo i kangai awm iy, juvo i anui y leu tangai naimy awm jojo ai nai tla,” napi.

ATITI AWM ANGCHEI NAI 3:16 ပူးပေါင်းရင်းမြစ်များ

ATITI AWM ANGCHEI NAI 4:7

Nang atiti kahawi sa baly amo theu pajau ai;na i py nang kahawi so y nai deaungkho y kamngo ly nang my i katheu pa-kho y amo ryhryh na bo. Kamngo my nang ai peang ai ngai, na i py, kamngo ai ly nang my pajau vui ai nai tla,” napi.

1 NENG SATANG 4:9

Huni meingtym y Jabe napi nai khumi leaungrei awm. Ni ly my i yhm dengtheungchi theung y tahm khai keh nai khumi ne. Amhm my ni ai Jabe, nanai amyn pathi. Ati mana nai mo na baly ni ai tapen nai thym khala, amhm ly khri pa-rei patang naira avum nai deaungkho y ne.

ESTHER 1:20

Samrang nang i leu pei nai ai, hini kau parai nai empara pri verei y thai hai nai khala y neampachy bawibawichi ly mymychi i juvochi tlang tleaung y kamawn py ne sy, kanang py ne sy, tahm khai u ai,” napi.

SAM 48:6

Nichi ly deaungdi tapen ai nai neng kasa nai neampachy kamta py, khri pa-rei aho nai ali kamchai avum nai deaungkho y,

ISAIA 13:8

Nichi bawibawi malawn py jei hyn naimy deaungdi tapen nai neampachy kamta, khri pa-rei patang naira avum u ai. Nichi ly leaung leaungrei ka-jei paleung hawimy akhen u leungtang ai. Nichi i meimai py kangji thi amteng naimy awm u ai.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

JEREMIA 13:21

Nangmychi i ahawi ka-dawichi ne, nanai khumichi my ly nangchi ai tiu iy ang peang ai nai Areng my ka-vo sa lawh baly, nangchi ati mana thui u ai mo? Nangchi ly deaungdi tapen nai neampachy kamta, no patang u ai.

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

JEREMIA 4:31

Deaungdi tapen ai achai nai neampachy i raawi, chanau chalu tapen nai neampachy i hang nai raawi ka-tawm katyn thai nai ne. Huni raawi ly akawm iy ahyn thlyhthlyh nai Jerusalem mary i katyn ne. Ni my, “Kai ly taham si! Nichi ly kai ai tleh ai nai jeu u dudu bo!

JEREMIA 49:24

Damaska mary i khumichi ly paleung atho di iy, kaso theu naimy preang u pawn bo. Nichi ly deaungdi tapen nai neampachy kamta no patang iy, khri pa-rei paleung ngari u nai ne.

JEREMIA 6:24

Jerusalem mary i khumichi my, “Hini satang kaichi thai nai khala y, kaichi i kiubanchi ly tla thlawi veng bo. Kaichi ly deaungdi tapen ai nai achai nai neampachy kamta, khri pa-rei no patang u bo.

Kati Nai 30:13

Ni i juvo ly my i vaineng abeu nai ai, vaineng lawi ai nai mo, lawi hai y ai nai mo, sa pi pajau nai ne.

JOHAN 16:21

Mymy i neng tym nai deaungkho y neampachy ly chanau tapen nai no iy paleung mawn; na i py deaungdi tapen bo nabaly khaileaung pri y khumi tapen iy kawn nai deaungkho y ni i phailo seaung nai ly dawn ali y leang bo.

I KORINTH 11:3

Na i py neampacho leaung leaungrei i lu ly Krista ne, neampachy i lu ly neampacho ne, Krista i lu ly Tameuh ne, nanai ly nangchi pany ai nai kangai.

I KORINTH 14:34

Neampachychi ly palau takhra kamkawmchi i achu naira y ly leu katheu u moh sy; nichi ai ly leu thui ai pei nai ny y leang; Reita cha-iu y thui nai kamta ly leu phai patawm u sy.

I KORINTH 7:4

Aju ly mymy i tlang y apeang y leang, juvo my peang lawh nai ne; hunai kamta teang juvo py mymy i tlang y apeang y leang, mymy i aju my peang lawh nai ne.

KOLOSA 3:18

Ajuchi awi, Areng y avo nai kamta nangchi i juvochi teng y aau u.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

I TIMOTHEI 2:13

Ati mana nai mo nabaly Adam ai ly sa man iy, huni bo y ly Evi ai sa nai ne;

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

TITA 2:5

amy i yhm y kalop sa nai keung y awm ai nai hawi, neaung hawi parai naimy awm ai nai hawi, mymychi i juvochi i kangai awm ai nai py atiti kahawi patiu u sy.