ATITI AWM ANGCHEI NAI 28:4 - Khumi Common Language Bible

⁴ Tameuh ly Abraham ai amtheaung hai nai kamta, nang i kangpreangchi ai py amtheaung hai sy; naibaly Abraham teng y Tameuh my pei nai nang i awm nai hini pri py nang amtym sy!” napi.

ATITI AWM ANGCHEI NAI 28:4 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 15:8

Na i py Abram my, “Sa thai naira angym nai Areng, kai ly hunichi mana pany pajau ai mo?” napi.

ATITI AWM ANGCHEI NAI 27:33

Huna nai khala Isaka ly tlang ahyn thlyhthlyh naimy, “Nang tym y rai khala mawi nga iy kai teng y syn pi nai khumi ly ami mo? Nang tym y rai khala kai ly mawi an cha chum veng bo. Huni khumi teng py amtheaungra kapei chum veng bo. Kaimy amtheaung naira pei nai kamta, ni ly nga veng bo,” napi.

ATITI AWM ANGCHEI NAI 37:1

Jakob ly ampo i awm nai meingtym Kanan pri y awm jojo.

1 NENG SATANG 29:15

Aw Areng, kaichi ly amsi pajochi kamta, pri pala naira avum naichi hawi apany vai y naichi kamta, hini deung y kaheng u nai bo, nanai nang ly pany. Kaichi i neng kanichi ly pa-pui kamta ne i, kaichi ly dei naira ai en vui thai y.

SAM 39:12

Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

THEU NAI 6:4

Nichi angvyn kamta awm nai Kanan pri kapei pi ai nanai, kai ly nichi hawi leu maikawm asa yb bo.

KALATIA 3:14

(ati mana nai mo nabaly, “Dengkeaung y dang nai ngierei ly amsawi lawi nai ne,” nanai tajiu nai ne:) hunaibaly achi ly ym naira deaungkho y adeu nai Phailo ly nga pajau ai.

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;