ATITI AWM ANGCHEI NAI 28:3 - Khumi Common Language Bible

³ Ati cheaungkhang sa thai nai Tameuh ly nang ai amtheaung hai ai i, deaungdi neangneang peung hai iy nang ai khumi cheng cheaungkhangchi i ampo lawn hai sy!

ATITI AWM ANGCHEI NAI 28:3 ပူးပေါင်းရင်းမြစ်များ

ATITI AWM ANGCHEI NAI 1:28

Nini ai amtheaung hai i, “Cho chanau neangneang so, nangni i kangpreangchi ly khaileaung pri verei y peung u sy; khaileaung pri py peang u. Nangchi i anui y awm ai nai daichi mawichi, tavochi hawi ngochi ai peang u,” napi.

ATITI AWM ANGCHEI NAI 13:16

Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y!

ATITI AWM ANGCHEI NAI 17:20

Ismaela i vui nang i hnei nai kai thai mang; mymy ai py kaimy amtheaung hai ai: cho chanau neangneang peung ai i, kangpreang neangneang peung hai ai. Ni i kangpreangchi py khumi kalen lawm ai i, mymy py peang nai keung leaung holai nyhreichi i ampo lawm ai.

ATITI AWM ANGCHEI NAI 24:60

Naibaly nichi my, “Kaichi i tuicho ly kati pajau y nai khumi cheaungkhangchi i amhm lawm sy; Nang i kangpreangchi ly paleung ka-echi i marychi ai py eaung u sy!” nanai Rebeka ai amtheaungra pei nai ne.

ATITI AWM ANGCHEI NAI 26:24

Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 27:33

Huna nai khala Isaka ly tlang ahyn thlyhthlyh naimy, “Nang tym y rai khala mawi nga iy kai teng y syn pi nai khumi ly ami mo? Nang tym y rai khala kai ly mawi an cha chum veng bo. Huni khumi teng py amtheaungra kapei chum veng bo. Kaimy amtheaung naira pei nai kamta, ni ly nga veng bo,” napi.

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 41:52

Chapo pa-nyh nga nai khala, “Tameuh my ngari kamtang avum nai pri y kai ai cho chanau amtheaung hai bo,” nanai thui iy huni chapo ai ly Ephraim, nanai amyn pathi bo.

ATITI AWM ANGCHEI NAI 43:14

Benjamin hawi Simeon nini ai ang pei teang ai nai, ati cheaungkhang sa thai nai keung Tameuh my huni khumi i paleung ai py so pi sy; nangchi i amjo hawi Benjamin ai py vawi hai teang ai nai ang pei ai mang. Kai i chapochi tama lawh teu i py tamo teu jau sy,” napi.

ATITI AWM ANGCHEI NAI 48:3

Jakob my Josepha teng y, “Ati cheaungkhang sa thai nai Tameuh ly Kanan pri Luza mary y awm nai khala y kai ai amteng hai iy amtheaung hai bo.

ATITI AWM ANGCHEI NAI 48:4

Mymy ly kai teng y, ‘Kaimy nang ai cho chanau neangneang kang peung hai ai i, nang i kangpreang dengdairei khumi cheng neangneang lawm ai; kaimy nang i kangpreangchi teng y hini pri amtym jo ai nai pei pi ai,” napi.

ATITI AWM ANGCHEI NAI 49:25

Nang ngampo i Tameuh ly nang ai sabawm nai keung ne; Ati cheaungkhang sa thai nai Tameuh ly salo mang i amtheaung hai nai kanitui, khaileaung mang i theu hai nai tui py, cho chanauchi hawi tawnbawichi amtheaung hai nai keung ne.

ATITI AWM ANGCHEI NAI 9:1

Tameuh my Nova hawi chapochi ai amtheaung hai nai leu ly “Nang i kangpreangchi ly khaileaung pri verei y kawi ai nai cho chanau neangneang so u,” napi.

SAM 127:1

Areng my yhm so pi y baly sa nai keungchi i kalop ly atyhtyh teu; Areng my mary typ pi y baly tamcheaungchi i typ nai py atyhtyh teu.

SAM 127:3

Cho chanauchi ly Areng my pei nai langseaungchi ne; nichi ly amtheaung hai naira tatangchi ne.

THEU NAI 1:7

Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 6:3

Abraham, Isaka, Jakob teng y kai ly ati cheaungkhang sa thai nai Tameuh, nanai amteng teu i py, Areng ne, nanai amyn kachai hawi nichi ly kai ai pany u y leang.

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

AMTENG HAI NAI 21:22

Naibaly theung mang y ly achura yhm kalen pui kaniu y leang. Atiti py Sa Thai Nai Areng Tameuh hawi Beram Cho ly huni i achura yhm kalen pui ne.

RUTHI 2:4

Neng kra kyh nai bo y Boaza ly Bethlehem mary i nai tym i, mymy i kalop sa naichi teng y, “Areng ly nangchi hawi vanrei awm hai sy!” napi i, nichi my py, “Areng ly nang ai py amtheaung hai sy,” nanai pathang u teang.