ATITI AWM ANGCHEI NAI 26:2 - Khumi Common Language Bible

² Areng my Isaka teng y amteng i, “Nang ly Aikupta pri y chei moh; kaimy kang thui pi nai pri y awm.

ATITI AWM ANGCHEI NAI 26:2 ပူးပေါင်းရင်းမြစ်များ

ATITI AWM ANGCHEI NAI 12:1

Areng ly Abram teng y, “Nangmy i pri, nangmy i amjo amnauchi hawi ngampo i yhm dengdairei theu ly kai my kang patei nai pri mang y chei.

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 17:19

Na i py Tameuh my pathang nai ly “Ny y leang, nang i aju Sarah my chapo ang tapen pi ai i amyn Isaka pathi ai nai tla. Kai ly ni hawi py, ni i kangpreangchi hawi py asa nai Leu Maikawm ly deungtasarei khaw hai jojo ai. Huni ly deungtasarei i vui Leu Maikawm ne.

ATITI AWM ANGCHEI NAI 18:1

Areng ly Mamre thengreungchira Abraham teng y amteng. Kani bi ala nai neng y Abraham ly mymy i kanih yhm pa-khora y ateh nai thym khala,

ATITI AWM ANGCHEI NAI 26:24

Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi.

SAM 25:12

Areng ai jei kaji naimy tahm khai nai khumichi ly mychi tako ai nai lam Tameuh teng i dengdairei amtiu u ai.

SAM 37:3

Areng ai ym naimy kahawi so ly pri y chymme naimy awm ba.

THEU NAI 2:24

Tameuh my Abraham, Isaka, Jakob hawi Leu Maikawm sa nai ly pany pi bo.

Levi 26:42

kai ly Abraham, Isaka, Jakobchi hawi asa nai Leu Maikawm ai pany jo iy, huni Leu Maikawm saho y kai i khumichi ai Kanan pri kapei pi nai ne.