ATITI AWM ANGCHEI NAI 26:14 - Khumi Common Language Bible

¹⁴ Ni ly miseaungchi py, beramchi py, sichi py neangneang awm nai deaungkho y Philistin khumichi my paleung no bo.

ATITI AWM ANGCHEI NAI 26:14 ပူးပေါင်းရင်းမြစ်များ

ATITI AWM ANGCHEI NAI 12:16

Sarai i saho y samrang my Abram ai ly hawihai kry iy, kula-iuchi, mi-ichi, miseaungchi, keaungngo kano kasauchi, sichi, beramchi pei pi nai ne.

ATITI AWM ANGCHEI NAI 13:2

Abram ly muku, tangka, sichi, beramchi, mi-ichi khri pa-rei nang nai ne.

ATITI AWM ANGCHEI NAI 24:35

“Areng my kai i yhmkeung ai khri pa-rei amtheaung hai i, mymy ly nang chawn bo. Areng my ni ai ly beram kanghu, mi-i kanghu, muku, tangka, miseaung neampacho neampachy, kula-iu hawi keaungngo kano kasauchi amtheaung hai nai ne.

ATITI AWM ANGCHEI NAI 25:5

Abraham i yhmtheaung awm nai bawibawi ly Isaka ai amtym hai bo;

ATITI AWM ANGCHEI NAI 30:43

Huna nai deaungkho y Jakob ly yhmtheaung katui nawi ryh nawi ryh i, mymy ly tawnbawi kanghuchi, miseaungchi, kula-iuchi hawi keaungngo kano kasauchi py neangneang awm bo.

ATITI AWM ANGCHEI NAI 37:11

Josepha ai ly amjochi my niu ngai y ra bo; na i py ampo my huni amang niu nai ly paleung theung y pateung me jo.

JOBA 1:3

Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.

JOBA 42:12

Areng ly Joba i heng nai deung, angchei i neng khala amtheaung hai nai tleaung y, pa-nyh i neng khala amtheaung hai keh. Joba ly beram 14,000, kula-iu 6,000, si paino 2,000, keaungngo kano kasau 1,000 rei nang nai ne.

JOBA 5:2

Paleung kham pajau y nai deaungkho y, amymy ai no patang hai iy, dei nai ly akhum nai hawi ati sai py ny y nai ne.

SAM 112:10

Khumi aso y naichi ly huni atitichi niu nai khala y kado theu ai i, ho akachai naimy tama u pawn ai; nichi i kangai ly phra ai.

SAM 112:3

Ni i yhm dengtheungchi ly nang chawn u ai; ni ly nang chawn jojo ai.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

LEU KACHENG 27:4

Kado theu nai paleung ly ana patheng nai ka-dawn, taphra ai ngai nai paleung ka-dawn awm nai ne. Na i py paleung angai y nai ly hunichi tleaung y hawi y keh.

Parip nai leu 4:4

Khumichi ly eaung naira nga ai nai khri pa-rei atho sa u; ati mana nai mo nabaly nichi ly saleaung deaungpachi i, atiti nga nai molam y paleung ano nai deaungkho y ne, nanai kapany. Na i py hini atitichi ly atyhtyh teu; ali ai patiu nai kamta ne.

1 SAMUELA 18:9

huni kani dengdairei Davida ai niu ngai y i, ym thai y nai paleung kun bo.