ATITI AWM ANGCHEI NAI 24:31 - Khumi Common Language Bible

³¹ “Areng my amtheaung hai nai khumi awi, kai i yhm y jeu bei. Ati mana nai hi y angdo jo lawh mo? Kai i yhm y nang anga ai nai ka-vo sa yb bo; nang i kula-iuchi i vui py meingtym awm,” napi.

ATITI AWM ANGCHEI NAI 24:31 ပူးပေါင်းရင်းမြစ်များ

RUTHI 3:10

Naibaly Boaza my, “Areng my nang ai amtheaung hai sy, vai nang i sa nai sai ly vaichi khala ngamni tlang tleaung y sa nai tleaung y malawn py, nang i ka-ym awm nai sai amteng bo. Nang ly khumi kamawn, ti y baly khumi kanang thawndeang leaung leaungrei hawi yhmtheaung sa pajau teu i py so y.

ATITI AWM ANGCHEI NAI 26:29

kaichi my nang ai ka-jo hau y naimy nangchi ai pahen nai y, awmnem naimy theu hai nai kamta, nang py kaichi ai ka-jo hau y leang mang, nanai leu adeu ba. Areng ly nang ai amtheaung hai ai, nanai ly hawihai amny bo,” napi.

SAM 115:15

Kani hawi khaileaung sa nai keung Areng ly nangchi ai amtheaung naira pei sy!

TARA CHIH NAI KEUNGCHI 17:2

Ni ly my i amhm teng y, “Nei, nang i tangkacho sang atlo chungvairei tama vui nai khala y, nang i pasawi nai ly kai thai khyp nai ne. Khen cham, huni tangka ly kai teng y awm; kai la nai ne,” napi. Ni i amhm my, “Deang awi, Areng ly nang ai amtheaung hai sy!,” napi.

LEU KACHENG 18:16

Miteaung keh leaungrei hawi avum ai ngai nai khumi ly langseaung syn ai nai tla; hunaibaly rai y.

LEU KACHENG 17:8

Un langseaung ly mei amhyp patei pi nai kamta, eaung naira pei reng, nanai khumi phyreichi athang khai u. Un langseaung ly ati mora py sa hai pajau, nanai ym u nai ne.

ATITI AWM ANGCHEI NAI 18:3

Abraham my, “Arengchi awi, anawn y naimy kai i yhm katlen u vui moh; kai ly nangchi ai pacho panei ai nai ngai.

ATITI AWM ANGCHEI NAI 19:2

“Arengni awi, kai ly nangni ai pacho panei ai nai ngai i, kai i yhm y jeu hawi kyh. Kheu asi hawi ly vai dym ly kai teng y ango hawi. Khawndam khawn angthodyh ang thau iy tako hawi,” napi. Na i py nini my, “Ny y leang, kaini ly vum torei hini mary theung y amki ai,” napi.

ATITI AWM ANGCHEI NAI 19:3

Lota my takeng veangveang i kangkhym y nini ly yhm y kun hawi bo. Lota my miseaungchi teng y tako phyrei paawp ai nai leu pei i, angvyn i vui sawn pi. Naibaly nini ly cha hawi bo.

ATITI AWM ANGCHEI NAI 24:30

Labana ly tuicho teng y notareang amcho muku kano hawi muku ka-si nyhrei niu iy, huni khumi my tuicho teng y thui pi nai leu saichi py thai nai ne. Huna nai y mymy ly tuikan sahawi kula-iuchi awmra y angdo nai Abraham i miseaung teng y chei iy,

ATITI AWM ANGCHEI NAI 29:13

naibaly mymy ly tuicho i chapo Jakob i satang thai nai kha y avum ai nai chei praw i takawi iy pachawm bo; naibaly yhm mang y vawi hai i, Jakob my Labana teng y mymy i satang angym pa-rei amti pi nai ne.