ATITI AWM ANGCHEI NAI 24:3 - Khumi Common Language Bible

³ Nang ly kai i chapo i vui aju ly Kanan chengchi theung y hau y leang, nanai kani hawi khaileaung palum nai keung Areng Tameuh i amyn y vaineng abeu.

ATITI AWM ANGCHEI NAI 24:3 ပူးပေါင်းရင်းမြစ်များ

ATITI AWM ANGCHEI NAI 14:19

“Kani hawi khaileaung sa nai keung, salo keh i Tameuh my Abram ai amtheaung hai sy,” nanai thui i amtheaung hai bo.

ATITI AWM ANGCHEI NAI 14:22

Abram my ni teng y, “Kani hawi khaileaung sa nai keung salo keh Areng Tameuh i mei ka-niu y vai kai vaineng abeu mang.

ATITI AWM ANGCHEI NAI 21:23

Hunai deaungkho y kai hawi kai i kangpreangchi ai py, kai i cho chanauchi ai py, nang ly tapawp y leang, nanai Tameuh i mo y vaineng abeu ba. Kai py nang i vaineng sa nai kamta kang tapawp y leang mang; nang hini pri y awm nai thym khala kai py ka-ym awm ai, nanai leu adeu bo,” napi.

ATITI AWM ANGCHEI NAI 24:7

Kani pri mang i Areng Tameuh ly kai i ampo hawi amjo amnauchi awm nai pri i dengdairei kai ai ang pahawi iy, kai i khumichi ai hini pri pei ai, nanai kai teng y adeu yb bo. Nang ly kai i chapo i vui aju hau nai nga hai ai nai, mymy ly kani pri amtaw thau nai ai huni pri y pato pi yb ai.

ATITI AWM ANGCHEI NAI 27:46

Rebeka my Isaka teng y, “Kai ly Esaw i la nai cheng takhra ajuchi molam y khri pa-rei paleung phra na bo. Jakob py Hiti cheng theung i anglo leaung leaungrei ai pom lawh baly, kai i vui ly dei ai nai awm khyh bo,” napi.

ATITI AWM ANGCHEI NAI 28:1

Hunaibaly Isaka ly Jakob ai palau i ni teng y, “Nang ly Kanan cheng neampachy hawi yhmtheaung so moh.

ATITI AWM ANGCHEI NAI 28:8

Esaw ly ampo Isaka my Kanan cheng neampachy ai pom ai nai ngai hai y nai py pany nai ne.

ATITI AWM ANGCHEI NAI 34:9

Nang i khumichi hawi kai i khumichi apom leungtang thai ai nai py, ka-dyh ka-dawi leu sumneang so u sina.

ATITI AWM ANGCHEI NAI 38:2

Hu y Juda ly Shua napi nai khumi i chaniu Kanan cheng anglo ai avum i mymy ly ni hawi apom nai ne.

ATITI AWM ANGCHEI NAI 47:31

Jakob my, “Nang sa pi ai nabaly vaineng abeu,” napi. Josepha ly vaineng abeu bo; naibaly Jakob ly mymy i ira tleaung y aseaung nai tarawi y kawn nai leu thui bo.

ATITI AWM ANGCHEI NAI 50:25

Naibaly Josepha ly mymy i khumichi teng y, “Tameuh my nangchi ai huni pri y ang pahawi nai khala, nangchi hawi vanrei kai i hiu py syn ai, nanai kai teng y leu adeu u,” napi iy vaineng abeu hai bo.

ATITI AWM ANGCHEI NAI 6:2

Kanicho phyreichi lyanglo hawi nai sai niu i, mychi ngai nai ngierei ai ly pom u bo.

ATITI AWM ANGCHEI NAI 6:4

Huni neng khala y hawi kangkhym i neng khala py, kanichochi hawi khaileaung i khumi neampachychi apom iy tapen nai kangpreangchi ly khumi py len, atho py awm; jangni i amyn amthang nai sorai theu nai khumichi ne.

2 ARENG KEH 19:15

Naibaly hina nai chiu sa, “Tahm asang parai nai Areng atehra salo y ateh nai Israela chengchi i Areng Tameuh awi, nang leaungrei naini khaileaung pri verei y peang nai Tameuh ne. Nang ly kani hawi khaileaung sa nai keung ne.

2 NENG SATANG 2:12

Kani hawi khaileaung sa nai keung Israela khumichi i Areng Tameuh ai ly palo nai awm sy! Mymy ly Davida teng y cheng naira awm nai chapo leaungrei pei pi bo. Huni chapo ly vai, Areng i vui Achura yhm hawi mymy i vui samrang yhm sa ai nai paran bo.

EZARA 5:11

Nichi my, ‘Kaichi ly kani hawi khaileaung ai peang nai keung Tameuh i miseaungchi ne. Jangni khala i dengdairei sa thai naira awm nai samrang leaungrei my sa palum nai Achura yhm ai, kaichi sa palum teang nai ne.

NEHEMIA 13:25

Hunai deaungkho y kai ly huni neampachochi ai amsawi amtlau hawi josei naimy, kapakhau nai ne. Nichi i sam py katheng. Naibaly kaichi py, kaichi i cho chanau py, mo mang y ly mana khala py cheng takhra khumichi hawi yhmtheaung kaso y leang bo, nanai nichi teng y Tameuh i amyn y vaineng abeu hai bo.

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

SAM 115:15

Kani hawi khaileaung sa nai keung Areng ly nangchi ai amtheaung naira pei sy!

SAM 136:26

Kani pri mang y awm nai Tameuh ai ly kawn naimy palo u; mymy i tamen nai ly deungtasarei ne.

THEU NAI 20:7

“Kai i amyn thui rumrang moh; kai ly nang i Areng Tameuh ne i, kai i amyn thui rumrang nai khumi ai ly kapajeng ai.

THEU NAI 22:11

Tameuh ai chiu nai meingtym y chei iy tawnbawichi um paviu y, nanai tawnbawi kry nai keung ly vaineng abeu ai nai tla; huna nai sa baly tawnbawi yhmkeung ly sum ai nai tla, peh ai nai tlo y.

THEU NAI 23:13

“Kai Areng my nangchi ai kang thui pi nai ngiereichi tangai u; tameuh takhrachi ai chiu u moh; huni tameuhchi i amyn malawn py thui u moh.

THEU NAI 34:16

Nangchi i chapochi ly huni pri i neampachychi ai pom u lawh baly, huni neampachychi ly kai ai ym y iy, nichi i tameuhchi ai chiu ai ym ai nai, nangchi i chapochi ai parawi ai.

ISAIA 45:23

Kai i thui nai leu ly teng khyp nai deaungkho y, takhra vui ai ny y leang. Khumi bawibawichi ly jeu iy, kai i mo y kheukhudi u naimy, leu meitang pei kheng nai tangai ai mang, nanai vaineng abeu u ai.

ISAIA 48:1

Nangchi Juda kangpreang Israela chengchi awi, hini leu tangai u: Nangchi ly Areng i amyn y vaineng abeu u iy, Israela chengchi i Tameuh ai kachiu u bo, nanai thui u; na i py nangchi i leu ly sairei py teng y.

ISAIA 65:16

Mymy i pri y amtheaung naira nga nai khumi ngiereichi ly ka-ym awm nai keung Tameuh teng i amtheaung naira hnei u ai. Vaineng abeu nai ngiereichi py, ka-ym awm nai keung Tameuh i amyn y tau iy, vaineng abeu u ai. Jangni khala i ngari kamtangchi ly tama iy, hunichi ai khumichi ly tami u pawn ai,” napi.

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 12:16

Nichi ly kai i chengchi i reita leu ngai iy, vaichi khala Bala tameuh teng y vaineng abeu nai saichi ai nichi ly kai i khumichi teng y patiu pi nai kamta vai ly ‘Areng i heng nai kamta,’ nanai kai i amyn y vaineng abeu u lawh baly, nichi ly kai i khumichi theung y abawi iy nang chawn u ai.

JEREMIA 29:6

Yhmtheaung so u ly cho chanauchi py so u. Nangchi i cho chanauchi py, cho chanauchi nga ai nai yhmtheaung so hai u. Nangchi ly khumi peung hai ai nai tla i, jum ai nai tlo y.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

Levi 19:12

Sa khyp ai ny y pui naimy kai i amyn y tau iy leu adeu moh. Huna nai sa nai y kai i amyn taphra moh. Kai ly nangchi i Areng Tameuh ne.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

Kati Nai 5:21

nang ly nang i khumichi theung y Areng my taham si hai sy; nang i seaunghai py jei vui iy, nang i kajeu py pobeung ai.

I KORINTH 7:39

Aju ly mymy i juvo heng nai sala ryrei ly kawm tabom nai ne; na i py juvo dei nai bo y ly mymy i ngai nai ngierei apom pajau, na i py Areng ai ym nai khumi ai ne ai nai tla.

Leu Thui Nai 10:20

Nangchi i Areng Tameuh ai jei kaji iy, mymy ai naini chiu u ai nai tla. Mymy ai ka-ym awm iy mymy i amyn hawi phai leu adeu u.

Leu Thui Nai 6:13

Nangchi i Areng Tameuh ai tahm khai u ly mymy ai phai chiu u; mymy i amyn y naini tau iy vaineng adeu u.

HEBRAI 6:16

Khumichi ly nichi tleaung y len keh lawh nai angam iy vaineng abeu lawh reng nai ne; nichi i aei nai cheaungkhangra y py leu khaw hai ai nai vaineng abeu nai ly tem hai lawh reng.

JOSUA 2:12

Kai ly nangchi ai kang pahen nai kamta, kai i yhm dengtheungchi ai py pahen teang ai nai Tameuh i amyn y vaineng abeu hawi ba. Kai ly nangni ai kang ym thai ai nai ka-ma-ra ha harei pei ba.

TARA CHIH NAI KEUNGCHI 14:3

Na i py ni i amhm ampo my ni teng y, “Nang ly neampachy leaungrei nga ai nai, Areng ai chiu y nai Philistia chengchi teng y, ati mana nai chei lawh mo? Amychi cheng theung y py ne sy, amychi nupai theung y py ne sy, neampachy leaungrei ai hau iy niu y nai sai a? " nanai deng. Samson my ly my i ampo teng y, “Huni neampachy ai naini, kai i vui deng pi kyh; ni ai kai ly khrei nai ne,” napi.

1 SAMUELA 20:17

Jonathan ly Davida ai, amymy ai tamen nai kamta tamen nai deaungkho y, mymy ai py tamen teang ai nai adeu hai bo.

1 SAMUELA 30:15

Davida my ni teng y, “Nang ly huni khumichi awm naira mang y, kai ai lam patei na a?,” nanai deng. Thawndeang my, “Nang ly kai ai padei y, kai i yhmkeung teng y au y ai, nanai Tameuh i amyn y tau iy leu adeubaly, nang ai lam patei ai,” napi.