ATITI AWM ANGCHEI NAI 24:12 - Khumi Common Language Bible

¹² Ni ly “Kai i yhmkeung Abraham i Areng Tameuh, kai i areng teng y nang i leu adeu nai kamta vaini kai ai eaung hai kyh ba.

ATITI AWM ANGCHEI NAI 24:12 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

ATITI AWM ANGCHEI NAI 24:21

Huni miseaung py Areng my ni i kangai eaung hai ai mo, eaung hai y ai mo, nanai ajeng nai ne.

ATITI AWM ANGCHEI NAI 24:27

“Kai i areng teng y adeu nai leu ai ka-ym awm hai nai keung, kai i areng Abraham i Areng Tameuh ai ly palo nai awm sy. Areng ly kai i areng i misochi teng y kai ai ang pahawi nai ne,” napi.

ATITI AWM ANGCHEI NAI 24:42

Vaini kai tuikan y tym nai kha y, ‘Kai ly kai i yhmkeung Abraham i Areng Tameuh, kai i sa naira ai eaung naira pei kyh ba.

ATITI AWM ANGCHEI NAI 24:48

Naibaly kai ly kheukhu di naimy Areng teng chiu kasa. Kai i yhmkeung Abraham i chapo i vui aju awm nai amjo amnauchi teng y kai ai pahawi nai keung, kai i yhmkeung i Areng Tameuh ai kapalo nai ne.

ATITI AWM ANGCHEI NAI 26:24

Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi.

ATITI AWM ANGCHEI NAI 27:10

Ngampo cha ai nai nangmy tha pi; naibaly mymy dei y rai kha y nang ai amtheaung hai ai mang,” napi.

ATITI AWM ANGCHEI NAI 27:20

Isaka my,” Mana nga kasa na mo? deang awi,” napi. Jakob my, “Nang i Areng Tameuh my kai ai nga hai kasa nai ne,” nanai pathang.

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

ATITI AWM ANGCHEI NAI 31:42

Ngaaichi i Tameuh, Abraham hawi Isaka i Tameuh my kai ai awm hai y lawh baly, nang ly kai ai beng tlairei pato ai nai angchi khyp teu bo. Na i py Tameuh my kai i kalop kaseaung sa naichi, patang naichi ang niu pi nai deaungkho y, jangdyh vum y nang ai Tameuh my ang parip nai na a,” napi.

ATITI AWM ANGCHEI NAI 32:10

Nang i miseaung kai teng y nang my patei pi nai pahen naira hawi ka-ym awm naira py, kai hawi ataing y nai ne. Jordan tavo angpeang nai khala y, kai teng y cheaungvawi harei awm khyh. Vai kai ly hini phy nyhreichi hawi kavawi ali teang nai bo.

ATITI AWM ANGCHEI NAI 32:9

Naibaly Jakob ly “Kai i amsi Abraham hawi kai i ampo Isaka i Tameuh, kai i chiu sa nai tangai pi kyh ba! Areng nang my ly kai ai, nangmy i pri, nangmy i amjo amnauchi teng y vawi teang, nang i tako nai tleirei y kaimy kang pahawi ai.

ATITI AWM ANGCHEI NAI 43:14

Benjamin hawi Simeon nini ai ang pei teang ai nai, ati cheaungkhang sa thai nai keung Tameuh my huni khumi i paleung ai py so pi sy; nangchi i amjo hawi Benjamin ai py vawi hai teang ai nai ang pei ai mang. Kai i chapochi tama lawh teu i py tamo teu jau sy,” napi.

1 ARENG KEH 18:36

Kani ka-reu apathyp nai neng tym nai khala y, amo Elija ly maicham sahawi y chei i, “Aw Abraham, Isaka, Jakob i Areng Tameuh, nang ly Israela chengchi i Tameuh ne, nanai hawi, kai ly nang i miseaung ne i, hini sa nai bawibawichi ly nang i leu pei nai saho y sa nai ne, nanai py vaini pany u sy.

2 ARENG KEH 2:14

Ni ly tavo peang y angdo iy Elija i ateaung hawi tui y pakhau. Na i py tui ly akhawi y. Elisa ly “Elija i Tameuh napi nai Areng ly ma mang y mo?” nanai aeu iy tui y pakhau bi. Huna nai khala tui ly akhawi i, ni ly tavo vai mang y tako jo nai ne.

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

NEHEMIA 2:4

Empara samrang my, “Ati amjy hnei ai nai ngai mo?,” nanai deng. Kai ly kani pri mang y awm nai Tameuh teng y chiu kasa chum baly,

SAM 118:25

Aw Areng, kaichi ai atleu kyh ba, kaichi ai atleu kyh ba! Aw Areng, kaichi ai eaung ai nai pei kyh ba!

SAM 122:6

Jerusalem mary tlamsa ai nai molam chiu sa nai ly “Nang ai tamen nai khumichi ly nang u sy.

SAM 127:1

Areng my yhm so pi y baly sa nai keungchi i kalop ly atyhtyh teu; Areng my mary typ pi y baly tamcheaungchi i typ nai py atyhtyh teu.

SAM 37:5

Nang ly nangmy ai Areng teng y a-au; hunaibaly mymy ly nang ai ang sabawm ai.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

LEU KACHENG 3:6

Nang i sa naira tleirei y, Areng ai pany jo ba; huna baly mymy ly nang ai lam kateng ang patei ai.

MATTHAI 22:32

Tameuh ly kadeichi i Tameuh ny y leang, kanghengchi i Tameuh teu,” napi nai pathang.

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.