ATITI AWM ANGCHEI NAI 22:3 - Khumi Common Language Bible

³ Pa-nyh kani khawn angthodyh Abraham ly apathyp ai nai i vui theng acheaung iy keaungngo kano kasau tleaung y tang i, mymy hawi vanrei Isaka ai py, miseaung leaung nyhrei ai py hawi; Tameuh my thui pi nai meingtym mang y amsa u bo.

ATITI AWM ANGCHEI NAI 22:3 ပူးပေါင်းရင်းမြစ်များ

ATITI AWM ANGCHEI NAI 17:23

Huni kani khypkhyp y Abraham ly Tameuh i leu tangai i chapo Ismaela ai py, van nai miseaungchi ai py, mymy i yhm y tapen nai miseaungchi ai py, mymy i yhm dengtheung raurei neampacho ka-so ngierei ai ly lengkhym takip bo.

ATITI AWM ANGCHEI NAI 21:14

Kani pa-nyh khawn angthodyh Abraham ly Hakara teng y teicha teinei hawi tui kawi meng nai mawi peih adym pei pi; deaungdi ai peu hai iy yhm i nai pala vui bo. Miseaung nu ly hu i nai satla i, Beraseba napi nai daichi ka-vym mang y preang bo.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 22:2

Huna nai khala Tameuh my, “Nang i chapo leaungrei awm khyh nai, nang khrei keh nai chapo Isaka ai lo ly Moria pri y chei. Kaimy kang patei nai mawi salo y nang i chapo ai kai teng y apathyp,” napi.

ATITI AWM ANGCHEI NAI 22:4

Pa-thom kani y Abraham ly khen i, huni meingtym ai palo parai naira y niu.

SAM 119:60

Kai ly nang i reita leu pei naichi ai, vaimy tangai praw ryp ai.

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

LUKA 14:26

“Ami py kai teng y jeu nai ly mymy i ampo hawi amhm hawi, aju hawi chanauchi hawi, mymy i amjo amnauchi hawi tuichochi hawi, mymy i hengra ai py niu ngai y nai by y baly, kai teng y abang nai khumi lawn thai y leang.

KALATIA 1:16

Cheng Takhrachi theung y ni i satang thui pi thai ai nai, ni i Chapo ai ly paleung hawi parai naimy kai ai amteng hai nai thym khala y ly tlang hawi thi hawi adeng kang y naimy,

HEBRAI 11:8

Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.

JOSUA 3:1

Huni bo i kani khawn angthodyh y Josua hawi Israela cheng bawibawichi ly Akasia Taira i dengdairei Jordan tavo mang y theu u bo. Tavo angpeang y rai khala, tavo peang y tai u.

JOSUA 8:10

Khawn angthodyh Josua ly Israela cheng miteaungkehchi hawi vanrei, tavaimi risachi ai lu sa iy, A-i mary mang y amsa u bo.