ATITI AWM ANGCHEI NAI 21:6 - Khumi Common Language Bible

⁶ Sarah my, “Tameuh ly kai ai amo theu hai, amnui ano hai i, thai nai khumichi ly kai hawi vanrei amo theu u ai,” napi.

ATITI AWM ANGCHEI NAI 21:6 ပူးပေါင်းရင်းမြစ်များ

ATITI AWM ANGCHEI NAI 17:17

Abraham ly meimai khaileaung y abi na pa-rei meung iy chiu bo; na i py ni ly “Khumi ly saneng chungvairei awm nai kha y deaungdi ngo pajau na a? Saneng vui takawrei awm nai Sarah ly deaungdi so rai na a?” nanai dawn pasym i panui bo.

SAM 113:9

Mymy ly teng nai neampachy ai tahm pasang i, cho chanauchi nga hai iy amo theu hai bo. Areng ai palo u!

SAM 126:2

Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

ISAIA 49:15

Hunai deaungkho y Areng my, “Amhm ly mymy paleung tleaung i chanau ai tami vui thai na a? My i kajeu y aneng nai deaungdicho ai, tamen y nai awm thai na a? Amhm ly mymy i deaungdicho ai tami vui lawh teu rai sy; kai ly nangchi ai mana khala py, tami vui ai ny y.

ISAIA 49:21

Naibaly nang ly amymy ai, ‘Kai ly hini cho chanauchi ai ami hawi nga nai mo? Kai i cho chanauchi ly dei pawn nai iy, kai ly cho chanau by y leang bo. Kai ly kamlora y pri pala nai avum i, hini cho chanauchi ai ami my, tleaungri pacheang pi mo? Kai ly kaimy leaungrei naini kaawm khyh bo. Hini cho chanauchi ly ma mang i nai tym u nai mo?,” nanai ang deng ai.

ISAIA 54:1

Aw Jerusalem mary, nang ly cho chanau so y nai neampachy hawi atawm. Na i py vai ly amo theu naimy khulym thui iy, aeu pajau bo. Vai, nang ly juvo my khai su vai y nai neampachy tleaung y py, cho chanauchi neangneang nga ai!

JEREMIA 20:15

Kai i ampo teng y, “Nang ly chapo nga bo!” nanai satang tha iy, kai i ampo ai amo theu hai nai khumi ly amsawi lawi na sy.

LUKA 1:14

Naibaly nang ly kawn py kawn ai, amo py theu ai; mymy ai tapen nai khala y ly khumi neangneangchi my kawn teang ai.

LUKA 1:58

Naibaly my i saleaungchi hawi amjychi my ly Areng my ni ai tamen parai, nanai pany i kawn hai.

ROM AVANGCHI TENG Y PAWLA I CHA PA NAI 12:15

Amotheu naichi ai ly amo theu hai u ly; vo naichi ai ly vo hai u ly.

HEBRAI 11:11

Ym naira deaungkho y Sarai kypkyp py adeu nai keung ai ly ka-ym awm nai palawn nai deaungkho y miteaung nai bo y ti ampreng thai ai nai nga bo.

1 SAMUELA 1:26

Hannah my Eli teng y, “Areng awi, kai ai pahen kyh ba; nang ly kai ai pany jo rai a? Kai ly vaichi khala nang i sahawi y angdo naimy Areng teng y chiu sa nai neampachy ne.