ATITI AWM ANGCHEI NAI 20:9 - Khumi Common Language Bible

⁹ Naibaly Abimelek my Abraham ai palau i, “Nang ly kaichi ai ati mana sa nai mo? Kai ly nang i tlang tleaung y ati sa tamang nai deaungkho y, nang ly kai hawi vanrei kai i pri y ka-jeira tym hai nai mo? Nang ly kai i tlang tleaung y sa ai avo y nai sa lawh ly.

ATITI AWM ANGCHEI NAI 20:9 ပူးပေါင်းရင်းမြစ်များ

ATITI AWM ANGCHEI NAI 12:18

Naibaly samrang my Abram ai palau i Abram teng y, “Nang ly kai ai ati mana sa nai mo? Ati mana nai y kai i aju, nanai thui y lawh mo?

ATITI AWM ANGCHEI NAI 20:10

“Nang ly ati mana nai y hina nai sa lawh mo?” napi.

ATITI AWM ANGCHEI NAI 20:8

Naibaly Abimelek ly khawn pa-nyh angthodyh miteaung kehchi ai palau i, avum nai leaungsaichi amti pi nai khala, mymychi ly khri pa-rei jei u bo.

ATITI AWM ANGCHEI NAI 26:10

Abimelek my, “Nang ly kaichi i tlang tleaung y, hina nai kamta mana nai sa lawh mo? Kai i khumi leaung leaungrei my, nang i aju hawi i ahawi lawh teu i khyly, kaichi i tlang tleaung y kamngo tym hai nai na a,” napi.

ATITI AWM ANGCHEI NAI 29:25

Khawn mang y Jakob my mymy i aju ly Leah ne lawh nai pany i Labana teng y chei iy, “Hina nai kamta mana sa lawh mo? Rakeli ai nga ai nai i vui y kalop kang sa pi nai ne. Ati mana nai kai ai tapawp lawh mo?” napi.

ATITI AWM ANGCHEI NAI 34:7

hunai thym khala y Jakob i chapochi ly huni satang thai i, daichi i nai tym u bo. Jakob i chapochi ly mychi i tuicho ai pajang nai ly Israela cheng verei ai tahm khai y nai ne i, so ngau y nai sa lawh nai deaungkho y, paleung no-ei i khri pa-rei kado theu u bo.

ATITI AWM ANGCHEI NAI 38:24

Lo thomrei awm nai khala y khumi leaungrei my Juda teng y, “Nang i lengngo Tamar ly bima kamta amlawn nai y, mymy ly vai deaungdi aniu lawh bo, nanai amti pi. Juda my, “Tuni neampachy ai ly angam mang y patheu iy mai y patawi veng,” nanai leu pei.

ATITI AWM ANGCHEI NAI 39:9

Yhmkeung my mymy i awm nai yhmtheaung katui ngiereichi kai teng y ang au nai ne. Mymy ly nang leaungrei ai ny y baly, kai teng y au y nai ati sai py by y; huna nai y Tameuh ngai y nai kamngo ly kai mana kasa lawh ai mo?” napi.

2 SAMUELA 12:5

Huna nai khala y Davida ly khumi kanang tlang tleaung y khri pa-rei kado theu i, “Huna nai sa nai khumi ly dei ai nai avo!, nanai heng nai Areng i amyn y kai, vaineng abeu bo.

2 SAMUELA 13:12

Tamar my, “Hini hawi y nai so moh! Hini ly amso ngai hawi nai ne!

THEU NAI 32:21

Mosi my Aron teng y, “Hini khumichi ly nang deaungkho y huna tanrei len nanai kamngo sa ai nai nichi ly nang ai ati ang sa hai mo?,” nanai deng.

THEU NAI 32:35

Hunai deaungkho y Areng ly Israela chengchi tlang tleaung y no kanghawi tym hai bo; huni ly nichi my Aron ai si cho myn sa hai lawh nai deaungkho y ne.

LEU KACHENG 28:10

Khumi kahawi ai tapawp-hyp iy, hawi y naira sa hai reng nai khumi ly my i pateung nai deaung y, mymy naimy man ai. Kamngo by y nai khumi ly kawn vang nga ai.

Levi 20:10

Khumi neampacho leaungrei ly Israela cheng tengtawi i aju hawi tamang lawh baly, nini leaung nyhrei ai padei mei ai nai tla.

ROM AVANGCHI TENG Y PAWLA I CHA PA NAI 2:11

ati mana nai mo nabaly Tameuh ly khumi ai patle takhra nai by y leang.

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

HEBRAI 13:4

Khumi bawibawichi ly apom naira ai tahm khai u sy, i ra y py hawi y naira abawi moh sy; angai naichi ai hawi pajang sa naichi ai ly Tameuh my chih ai.

JOSUA 7:25

Josua my Akhean teng y, “Nang ly ati mana nai kaichi teng y patang naira tym hai lawh mo? Vai ly Areng my nang i tlang tleaung y patang naira tym hai ai,” napi. Naibaly Israela cheng bawibawichi ly Akhean ai lengseaung hawi aphi iy padei u bo. Ni i dengtheungchi ai py, lengseaung hawi aphi iy padei u chum baly, ni i vawnsaichi hawi vanrei mai leng u bo.