ATITI AWM ANGCHEI NAI 20:5 - Khumi Common Language Bible

⁵ Abraham my py kai i tuicho teu, neampachy mymy py kai i ampro teu, nanai thui bo. Kai ly paleung kachai hawi sa nai ne; kai tamang y leang,” napi.

ATITI AWM ANGCHEI NAI 20:5 ပူးပေါင်းရင်းမြစ်များ

ATITI AWM ANGCHEI NAI 12:13

Nichi teng y kai i tuicho teu napi baly, nang i saho y kai heng ai i kai ai ang kry u ai,” napi.

ATITI AWM ANGCHEI NAI 20:13

Hunai deaungkho y Tameuh ly kai ai ngaai i yhm dengdairei cheng takhrachi i pri mang y patheu nai khala kaimy ni teng y, ‘Khumi lutengchi teng y kai i ampro ne, nanai thui jojo baly kai i vui y ka-ym awm nai sai amteng hai nai ne kanapi,’ ” nanai pathang.

ATITI AWM ANGCHEI NAI 20:16

Abimelek ly Sarah teng y, “Nang ly kamngo by y, nanai khumichi ka-niu y, ngampro teng y kaimy tangka chang sangrei kapei pi bo; khumi luteng my nang ly sa tamang nai ati sai py by y, nanai pany u ai,” napi.

1 ARENG KEH 9:4

Nang ly nangmy i ampo Davida kamta neaung hawi parai naimy kai i kalopchi sa iy, kai i reitachi patawm naimy kai i leu pei nai bawibawichi tangai baly,

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

JOBA 33:9

“Kai ly hawi y naira ati sai py kaso y, kai ly kamngo awm nai khumi ny y leang.

SAM 24:4

Kaja hawi iy paleung chai naimy tameuh takhrachi ai chiu y nai khumichi, tapawp y, adeu nai vaineng taphra vai y nai khumichi ne.

SAM 25:21

Kai ly nang ai ym nai ne i, kai i ka-ym awm nai ly kai ai kry hai sy.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 7:8

Aw Areng, nang ly khumi bawibawichi ai tara chih nai keung ne. Kai ly kamngo by y nai molam y kai ai meimai khen ly tara chih pi ba.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

SAM 73:13

Hunai deaungkho y kai ly amy i paleung ai chai hai iy kamngo so y naimy awm nai ly atyhtyh lawh a?

SAM 78:72

Samrang Davida ly beram typ keung kamta mymy i kangai khai su iy, nichi ai kry i, cheng parai naimy lam patei nai ne.

LEU KACHENG 11:3

Khumi kahawichi ly kateng sa u reng; ka-ym by y nai khumichi ly mychi i hawi y nai molam y, phra naira avum u reng nai ne.

LEU KACHENG 20:7

Neaung hawi nai ly kateng sa reng. Ni i katu chanauchi ly taham hawi.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

I THESALONIKA 2:10

Nangchi ym nai khumichi i tlang tleaung y kaichi ly chai parai nai hawi, hawi parai nai hawi, cheh ai by y nai pa-rei awm nai sai ly nangchi hawi Tameuh py pany hai nai keung ne;

I TIMOTHEI 1:13

ati mana nai mo nabaly kai ly jangni y Tameuh ai thui tamawn nai keung hawi ana hai nai keung hawi, khumi kamlai ne teu i py kai ai ka-ym awm nai khumi ang palawn iy, mymy i kalop sa ai nai keung y ang khai rym:ne mang ly kai ly ym naira by y naimy pany y nai khala y kasa nai deaungkho y pahen naira kanga;

JOSUA 22:22

“Sa thai naira len parai nai keung ly Tameuh ne! Mymy ly Areng ne. Sa thai naira len nai keung ly Tameuh ne! Mymy ly Areng ne. Achi i maicham ai ati mana nai y sa ai nai tla mo, nanai mymy ly pany. Nangchi ai py pany hai ai nai ngai. Kaichi ly Areng ai tiu iy, ka-ym by y baly tlang heng ai nai pei moh!