ATITI AWM ANGCHEI NAI 19:16 - Khumi Common Language Bible

¹⁶ Lota ly niniuna nai deaungkho y Areng my pahen i, mymy i chaniu leaung nyhrei ai py, aju ai py, mymy ai py kiuban y amkhaw iy, mary theung i nai theu hai bo.

ATITI AWM ANGCHEI NAI 19:16 ပူးပေါင်းရင်းမြစ်များ

ATITI AWM ANGCHEI NAI 19:15

Khutawi nai khala, kani pri amtaw thai nai nimy Lota teng y, “Hini mary taphra nai khala nang py abawi lawh na i, nang i aju py, chaniu leaung nyhrei py, hi i nai theu u kaliki,” napi.

ATITI AWM ANGCHEI NAI 43:10

Hina nai kamta neng kasau atheu y i khyly, kaichi ly tlen nyhrei kang tym teang veng ai bo,” napi.

1 NENG SATANG 16:34

Areng ly hawi nai deaungkho y, kawn naimy palo u. Mymy i tamen nai ly deungtasarei ne.

SAM 103:13

Ampo ly chanauchi ai pahen nai kamta, Areng ly mymy ai jei naimy tahm khai naichi ai pahen nai ne.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 106:8

Na i py mymy ly mymy i sa thai naira khri pa-rei len parai nai patei pi ai nai adeu yb nai kamta nichi ai atleu bo.

SAM 107:1

“Areng ly hawi nai deaungkho y kawn naimy palo u; mymy i tamen naira ly deungtasarei ne!,” nanai

SAM 111:4

Areng ly mymy i sa nai lyh ai hawi parai naichi ai, achi my tami y ai nai ang sa pi; mymy ly pahen naira, tamen naira hawimy kawi angym bo.

SAM 118:1

Areng ly hawi nai ne i, tamen naira ly deungtasarei awm nai deaungkho y, mymy ai kawn nai palo u.

SAM 119:60

Kai ly nang i reita leu pei naichi ai, vaimy tangai praw ryp ai.

SAM 136:1

Areng ly hawi nai ne i, mymy i tamen nai ly deungtasarei khaw jo nai deaungkho y, mymy ai kawn naimy palo u.

SAM 32:10

Khumi hawi y naichi ly patangra avum u ai. Na i py Areng ai ym nai khumichi ly khaw parai nai tamen naira hawimy, ama hai naira avum ai.

SAM 33:18

Areng ly mymy ai jei kaji nai hawi khaw parai nai tamen naira ai ym nai khumichi ai kry nai ne.

SAM 33:19

Mymy ly nichi ai deira i nai atleu bo. Cha nei takang nai neng khala y, nichi ai heng ai nai pei bo.

SAM 34:12

Nangchi ly amo theu naimy awm ai nai ngai u a? Tlang heng nai hawi vanrei amo theu naira ngai u a?

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

TANGAM NAI LEU 3:22

Areng i khei pajau y nai tamen naira hawi pahen naira ly

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

JOHAN 6:44

Kai ai pato nai keung ampo my ni ai pahawi ryp y baly, ami py kai teng y jeu thai y; naibaly kai ly kani kangkhym y ly ni ai pathau ai.

ROM AVANGCHI TENG Y PAWLA I CHA PA NAI 9:18

Hunaibaly Tameuh ly mymy i ngai nai ngierei ai ly pahen iy, mymy i ngai nai ngierei ai py paleung tang hai ai.

II KORINTH 1:3

Achi i Areng Isu Krista i Tameuh hawi Ampo, pahen nai Ampo hawi awm hai nem nai Tameuh ai ly palo nai awm sy.

Leu Thui Nai 4:31

Areng ly pahen parai nai Tameuh ne. Mymy ly nangchi ai khai su y ai i, tama py tama hai vui ai ny y. Mymy ly nangchi i amsi pajochi hawi asa nai Leu Maikawm ai py tami pi ai ny y.

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.

Leu Thui Nai 6:21

nichi teng y, ‘Achi ly Aikupta samrang teng y miseaung achei nai thym khala, Areng my sa thai naira len parai nai hawimy achi ai atleu pi bo.

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

JOSUA 6:22

Huni bo y Josua ly huni pri khen paviu nai khumi leaung nyhrei teng y, “Nangni ly neampachy bima teng y leu adeu hawi nai kamta, ni i yhm dengtheungchi ai palau ly hawi ba,” nanai pato bo.

II PETERA 2:7

naibaly khumi kahawi Lota, khumi kamngochi i paleaung parai nai awm nai sai deaungkho y khrikhri pa-rei paleung mawn nai ai ly paheng baly:

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;