ATITI AWM ANGCHEI NAI 18:30 - Khumi Common Language Bible

³⁰ Abraham my, “Aw Areng, pahen parai naimy kado theu moh kyh ba; kai kang takeng bi ai nai ngai. Hu y khumi kahawi leaung phairei awm khyh lawh baly mana sa ai mo?” napi. Nimy, “Khumi kahawi leaung phairei awm khyh i py taphra y leang mang,” napi.

ATITI AWM ANGCHEI NAI 18:30 ပူးပေါင်းရင်းမြစ်များ

ATITI AWM ANGCHEI NAI 18:29

Abraham my khumi kahawi leaung vui palyhrei awm khyh lawh baly,” napi. Nimy ly “Khumi leaung vui palyhrei awm khyh teu i py kataphra y leang,” napi.

ATITI AWM ANGCHEI NAI 18:31

Abraham my, “Aw Areng, nang teng y vam parai naimy takeng nai ly kai ai pahen kyh ba. Khumi kahawi leaung apomrei awm khyh lawh baly taphra ai a?” napi. Nimy, “Khumi kahawi leaung apomrei awm khyh teu i py taphra y leang,” napi.

ATITI AWM ANGCHEI NAI 44:18

Naibaly Juda ly Josepha teng y athui iy, “Pahen kyh areng, kai ai leu katheu ai nai pei kyh, kai ai kado theu hai moh kyh jemjem ba; nang ly samrang kamta ne.

SAM 10:17

Aw Areng, nang ly paleung apanem nai khumichi i chiu sa nai tangai pi iy, nichi teng y sorai paleung pei ai.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 9:12

Tameuh ly patang naira avum naichi ai pany pi jo nai ne. Nichi i aeu nai raawi tami pi y leang. Nichi i tlang tleaung y hawi y sa nai khumichi ai pajeng nai ne.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

TARA CHIH NAI KEUNGCHI 6:39

Naibaly Kideon ly Areng teng y, “Kai ai kado theu hai mo kyh ba; vai, hini tlenrei hnei takeng ai nai pei kyh; beram mui hawi vai tlenrei cham ai nai pei ba. Hini tlenrei ly beram mui phuirawm iy, khaileaung ly kadamtui suipla sy,” napi.