ATITI AWM ANGCHEI NAI 18:14 - Khumi Common Language Bible

¹⁴ Areng so pajau y nai awm a? Kaimy kang thui pi nai kamta vai i dengdairei lo takawrei khala y kai kang tym teang ai i, Sarah ly chapo tapen ai,” napi.

ATITI AWM ANGCHEI NAI 18:14 ပူးပေါင်းရင်းမြစ်များ

ATITI AWM ANGCHEI NAI 17:16

Kaimy ni ai amtheaung hai ai, nimy nang i vui chapo tapen pi ai. Kaimy ni ai amtheaung hai ai i, mymy ly khumi cheng cheaungkhangchi i amhm lawm ai; mymy i kangpreangchi theung i nai samrangchi theu ai,” napi.

ATITI AWM ANGCHEI NAI 17:21

Na i py kaimy amlo hini neng y Sarah my tapen ai nai nang i chapo Isaka hawi py kai i Leu Maikawm khaw hai ai,” napi.

ATITI AWM ANGCHEI NAI 18:10

Nichi theung i leaungrei my, “Vai i dengdairei lo takawreinai khala y, kai kang tym teang ai; huni neng khala nang i aju Sarah ly chapo tapen ai,” napi. Huni neng khala Sarah ly mymy i nithun y, kanih yhm katheu pa-kho mang tangai nai ne.

ATITI AWM ANGCHEI NAI 18:13

Naibaly Areng my Abraham teng y, “Ati mana nai y Sarah ly ‘Kai ly miteaung kacheang veng jau iy deaungdi nga pajau ai a’ nanai panui lawh mo?.

ATITI AWM ANGCHEI NAI 18:15

Sarah ly jei nai deaungkho y, “Kai panui y leang,” nanai akhi bo. Mymy ly “Ne, nang ly panui khyp bo,” napi.

ATITI AWM ANGCHEI NAI 21:1

Areng ly mymy i leu adeu nai kamta Sarah ai amtheaung hai bo.

ATITI AWM ANGCHEI NAI 21:2

Naibaly mymy ly deaungdi aniu i miteaung theung y Abraham i vui chapo leaungrei tapen pi. Tameuh my adeu nai neng y deaungdi tapen khyp nai ne.

2 ARENG KEH 4:16

Huna nai khala Elisa my neampachy teng y, “Amlo hini neng khala, nang ly chapo tapawm ai mang,” napi. Neampachy my, “Aw areng, kai ai tapawp moh; nang ly Tameuh i khumi ne!” napi.

JOBA 36:5

Tameuh ly khrikhri pa-rei sa thai naira len parai na ly! Mymy ly ami ai py cheh y; mymy i pany y nai ati sai py by y.

JOBA 42:2

Aw Areng, nang ly ati cheaungkhang sa thai nai keung ne, nanai py, nangmy ngai nai kamta ati cheaungkhang sa pajau, nanai py, kai pany bo.

SAM 90:13

Nang i kado theu nai ly mana tanrei kra na pa-rei, rym y naimy awm ai mo? Aw Areng, nang i miseaungchi ai pahen kyh ba!

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

SAM 95:3

Areng ly nang parai nai Tameuh ne; tameuhchi bawibawi tleaung y nang parai keh nai samrang ne.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

JEREMIA 32:27

“Kai ly khumi bawibawichi i Areng Tameuh ne. Kai i so thai y ai nai rai naira ha py by y.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ZEKHARIAH 8:6

“Hinichi ly vai, awm jo nai Juda chengchi i vui ne, nanai thui khyp pajau y teu i py kai, ati cheaungkhang sa thai nai Areng i vui ly avo pajau nai ne.

Kati Nai 11:23

Areng my, “Kai so thai y nairachi awm a? Kai i thui naichi ly ne khyp mo, ne khyp y mo, nanai kra y naimy nang niu ai mang!” napi.

MATTHAI 14:31

Naibaly Isu my kiu jaha praw iy, ni ai amkaw i ni teng y, “Nang ym naira di nai awi, ati mana nai ym thai y nai awm lawh a?” napi.

MATTHAI 19:26

Naibaly Isu ly nichi ai khen i mymychi teng y, “Huni ly khumichi i vui ly sa pajau ai nai aveng; Areng Tameuh naini ati cheaungkhang sa thai,” napi.

MATTHAI 3:9

nanai paleung theung y adawn u moh; Tameuh my hini lengseaungchi ai ly Abraham i kangpreang y angdo hai thai na a, kang napi.

MARKA 10:27

Isu ly nichi ai khen i, “Huni ly khumichi i vui ly sa pajau ai nai aveng, Tameuh i vui ly so pajau y nai ny y: ati mana nai mo nabaly Tameuh i vui ly ati cheaungkhang sa pajau na a,” napi.

LUKA 1:13

Na i py kani pri i amtaw thau nai my ly mymy teng y, “Zakaria, jei moh; nang i hnei nai ly ang thai na a: nang i aju Elizabet my chapo ang tapen pi ai, amyn y Johan pathi ai nai tla.

LUKA 1:18

Naibaly Zakaria my kani pri i amtaw thau nai teng y ly, “Huni ly mana kapany ai mo? Kai ly miteaung bo, kai i aju py miteaung bo,” napi.

LUKA 1:37

Tameuh teng i nai theu nai leu ly atiti so thai y nai ha py by y.

LUKA 8:50

Isu my ly huna nai leu thai iy, “Jei moh, ym phai ym ryp, hunaibaly ni ai paheng teang ai,” napi nai pathang.

ROM AVANGCHI TENG Y PAWLA I CHA PA NAI 4:21

Tameuh ai palo, mymy ly mymy i leu adeu nai ly sa hai pajau, nanai khri pa-rei ym iy, ym naira deaungkho y khaw ra khaw ra lawh.

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.

Leu Thui Nai 7:21

Hunai deaungkho y hini khumichi ai jei u moh. Nangchi i Areng Tameuh ly nangchi hawi vanrei awm; mymy ly sa thai naira len iy ka-jei hawi nai Tameuh ne.

PHILIPI 3:21

Mymy ly mymy i sa nai kamta sa iy, ati cheaungkhang ai py mymy ngaingai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

HEBRAI 11:19

Tameuh my ni ai ly kadeichi theung i dengdairei py pathau teang pajau, nanai adawn cheng bo; naibaly pata nai leu thui baly, mymy ly ni ai hu i nai nga ali teang bo.

TARA CHIH NAI KEUNGCHI 13:3

Areng i kani pri amtaw thau nai ly huni neampachy teng y amteng i, “Nang ly mana khala py cho chanau ngo pajau y teu i py, kra y naimy deaungdi aniu ai i, chapo tapen ai.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.