ATITI AWM ANGCHEI NAI 18:12 - Khumi Common Language Bible

¹² Hunai deaungkho y Sarah ly “Kai ly miteaung kacheang nai bo y, i ahawi ai nai mana paleung ano ai jau mo? Naibaly kai i juvo py miteaung cheang bo, nanai paleung theung y dawn naimy panui um nai ne.

ATITI AWM ANGCHEI NAI 18:12 ပူးပေါင်းရင်းမြစ်များ

ATITI AWM ANGCHEI NAI 17:17

Abraham ly meimai khaileaung y abi na pa-rei meung iy chiu bo; na i py ni ly “Khumi ly saneng chungvairei awm nai kha y deaungdi ngo pajau na a? Saneng vui takawrei awm nai Sarah ly deaungdi so rai na a?” nanai dawn pasym i panui bo.

ATITI AWM ANGCHEI NAI 18:13

Naibaly Areng my Abraham teng y, “Ati mana nai y Sarah ly ‘Kai ly miteaung kacheang veng jau iy deaungdi nga pajau ai a’ nanai panui lawh mo?.

2 ARENG KEH 4:16

Huna nai khala Elisa my neampachy teng y, “Amlo hini neng khala, nang ly chapo tapawm ai mang,” napi. Neampachy my, “Aw areng, kai ai tapawp moh; nang ly Tameuh i khumi ne!” napi.

SAM 126:2

Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

SAM 45:11

Nang i hawi parai nai mo-cha ly samrang my nang ai khrei hai keh ai mang. Samrang ly nang i areng ne nai deaungkho y, nang ly ni i leu tangai ai nai tla.

EPHESI 5:33

Ati py ne sy nangmychi theung i leaung leaungrei ly amy ai atamen nai kamta ly amy i aju ai tamen bawibawi sy; aju py amy i juvo ai ly tahm khai ai nai amkhym sy.

I PETERA 3:6

Sarai i Abraham ai “Areng” napi nai mymy i leu tangai nai kamta:nangchi ly atiti kahawi sa iy, jei y naimy kaso theu y nai awm baly mymy i chanauchi lawn u bo.

TARA CHIH NAI KEUNGCHI 19:26

Khutawi nai khala neampachy ly juvo awm nai miteaung pui i yhm katheu pa-khora atlym su bo. Ni ly khutawi nai khala py huni meingtym y awm.