ATITI AWM ANGCHEI NAI 17:10 - Khumi Common Language Bible

¹⁰ Nang hawi nang i kangpreangchi py neampacho ngierei ly lengkhym takip ai nai tla.

ATITI AWM ANGCHEI NAI 17:10 ပူးပေါင်းရင်းမြစ်များ

ATITI AWM ANGCHEI NAI 17:11

Vai i dengdairei cheng takhrachi teng i van nai miseaungchi py, nangmy i yhm y tapen nai miseaungchi py, nangmy yhm dengtheungchi py neampacho deaungdi ly kani tajarei kani y lengkhym takip ai nai tla. Huni ly nang hawi kai sala y Leu Maikawm asa nai ka-ma-ra ne.

ATITI AWM ANGCHEI NAI 17:23

Huni kani khypkhyp y Abraham ly Tameuh i leu tangai i chapo Ismaela ai py, van nai miseaungchi ai py, mymy i yhm y tapen nai miseaungchi ai py, mymy i yhm dengtheung raurei neampacho ka-so ngierei ai ly lengkhym takip bo.

ATITI AWM ANGCHEI NAI 17:27

Abraham i miseaung bawibawichi py vanrei lengkhym atakip u nai ne.

ATITI AWM ANGCHEI NAI 21:4

Naibaly Isaka kani tajarei awm nai khala y, Tameuh my leu pei nai kamta Abraham ly lengkhym takip pi.

ATITI AWM ANGCHEI NAI 34:15

Neampacho bawibawichi ly kaichi kamta lengkhym takip u ai nabaly nangchi teng y kaichi ngai hai mang;

ATITI AWM ANGCHEI NAI 34:22

Na i py nichi i lengkhym takip nai kamta, achi neampacho ngierei ly lengkhym takip baly, cheng harei kamta achi hawi bomrei awm ai nai nichi ly ngai nai ne.

THEU NAI 12:48

Na i py lengkhym takip y nai khumi ly huni pawira y cha ai nai ngo y. Cheng takhra khumi leaungrei ly nang hawi vanrei awm iy, Areng ai tahm khai nai Katlen vui nai Pawira y abawi ai nai ngai lawh baly, ni hawi ni i yhm dengtheung neampachochi ai lengkhym takip hai ai nai tla; huni bo baly nichi ai Israela cheng kamta palawn iy, huni Pawira abawi hai pajau nai ne.

THEU NAI 4:25

Huna nai khala ni i aju Zipporah ly lengseaung bo awm nai la i, chapo i lengkhym takip pi iy, huni lengkhym hawi Mosi i kheu y tabei bo. Naibaly lengkhym takip nai molam y Zipporah my, “Nang ly kai i juvo tatang ne,” napi. Hunai deaungkho y Areng my Mosi ai padei y nai ne.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JOHAN 7:22

Hina nai y na a, Mosi my lengkhym takip ai nai leu ang pei, ne mang ly huni ly Mosi i leu pei nai ny y i, amsichi i leu pei nai teu; naibaly Anawn Kani y py nangchi ly neampacho ai lengkhym takip u reng.

AMTAW 7:8

Naibaly mymy ly ni teng y lengkhym takip ai nai leu maikawm khai. Hunaibaly Abraham ly Isaka ai sa i, kani tajarei kha y lengkhym takip: naibaly Isaka ly Jakob ai sa; naibaly Jakob ly cheng holai nyhreichi i amsi sangumchi ai sa bo.

ROM AVANGCHI TENG Y PAWLA I CHA PA NAI 2:28

Salo ryrei y Juda khumi ne khyh nai ly Juda tatang ny y leang; salo i tlang ryrei lengkhym takip khyh nai py lengkhym takip tatang nai ny y leang.

ROM AVANGCHI TENG Y PAWLA I CHA PA NAI 3:25

Tameuh i amnym pajau naira y jangni i kamngo nairachi ai ly dawn pi y nai awm nai deaungkho y, Tameuh my mymy i hawi naira patei ai nai Krista Isu ai ly mymy i thi deaungkho y kamngo ahui nai langseaung syn naira y amteng hai; huni ly ym nai deaungkho y nga nai ne;

ROM AVANGCHI TENG Y PAWLA I CHA PA NAI 3:28

Hunaibaly Reita i atiti sa nai ny y naimy, khumi my ym naira y eaung naira nga, nanai achi palawn.

ROM AVANGCHI TENG Y PAWLA I CHA PA NAI 3:30

Ne teang chy; lengkhym takip naichi ly ym y nai deaungkho y eaung hai ai nai keung hawi lengkhym takip y naichi ly ym u nai saho y eaung hai nai keung ly Tameuh harei khyh baly, mymy ly Cheng Takhrachi i Tameuh py ne teang chy.

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

KALATIA 6:12

Angam mang i tlang y atiti khen nai ka-pu asa ai ngai nai ngiereichi my ly nangchi ai lengkhym takip hai akhikan reng nai ne; atiti takhra ny y leang, nichi ly Krista i kraws deaungkho y ana naira patang u y ai nai sa nai harei khyh.

EPHESI 2:11

Hunai deaungkho y jangni y nangchi, tlang y Cheng Takhra awm nai, tlang mang y kiu y sa nai “Lengkhym Takip” napi naichi my ly nangchi ai “Lengkhym Takip y” nanai napi naichi awi;

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

JOSUA 5:2

Areng ly Josua teng y, “Lengseaung achochi si iy, Israela chengchi ai lengkhym takip pi,” nanai leu pei bo.

JOSUA 5:4

Aikupta pri i dengdairei theu nai neampacho bawibawichi ly lengkhym takip chum nai ne. Na i py Israela chengchi ly daichi ka-vym y saneng vui palyhrei amki nai thym khala, tapen nai neampacho deaungdichi ly lengkhym takip y leang rai. Huni saneng vui palyhrei nai bo khala, Aikupta pri i dengdairei theu nai tavai thau pajau nai neampacho bawibawichi ly Areng i reita leu pei nai tangai u y nai deaungkho y dei u be bo. Areng my nichi i amsi pajochi teng y pei ai adeu nai, paitiu khuta hawi iy teicha teinei avaw y nai pri nichi niu ai ny y, nanai pasawi kheih nai ly niu u y nai ne.