ATITI AWM ANGCHEI NAI 15:16 - Khumi Common Language Bible

¹⁶ Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

ATITI AWM ANGCHEI NAI 15:16 ပူးပေါင်းရင်းမြစ်များ

ATITI AWM ANGCHEI NAI 10:16

Kanan ly Jebusi, Amori, Kirkasi;

ATITI AWM ANGCHEI NAI 15:13

Areng my Abram teng y, “Nang i kangpreangchi ly cheng takhra theung y angvyn kamta awm ai; nichi ly saneng chungvai palyhrei miseaung y awm ai i, pahyp y naimy ana naira neangneang avum ai.

ATITI AWM ANGCHEI NAI 48:21

Naibaly Jakob ly Josepha teng y, “Nang i niu nai kamta kai ly dei ai nai kasa bo; na i py Tameuh my nang hawi vanrei awm hai ai i, nang i amsi pajochi i pri y ang pahawi ali teang ai.

ATITI AWM ANGCHEI NAI 50:24

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

1 ARENG KEH 21:26

Ahab ly Amori pri khumichi i sa nai kamta, mynchi y chiu nai molam y khri pa-rei jei kaji ai hawi nai kamngochi sa bo. Amori khumichi ly Kanan pri y Israela chengchi kun u nai thym khala, Areng my patheu nai khumichi ne.)

2 ARENG KEH 21:11

“Manase ly hini amso ngai naichi sa bo; kanan chengchi i hawi y sa nai tleaung y py, khri pa-rei hawi y naichi sa lawh bo. Ni ly my i sa nai mynchi hawi Juda khumichi ai kamngo lam mang y pahawi nai ne.

SAM 105:43

Hunai deaungkho y mymy ly mymy i khumichi ai pahawi nai ne; nichi ly amo theu naimy khulym thui iy aeu u bo.

THEU NAI 12:40

Israela chengchi ly Aikupta pri y saneng chungvai palyh pa-ngo phairei khu-teng sa u.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 13:4

Nangchi ly Abiba napi nai angchei i lo theung i, hini kani y Aikupta pri i dengdairei theu u nai ne.

DANIELA 8:23

“Huni prichi ly phra ai nai kasa iy, pajeng ai avo nai pa-rei kamngo sa u nai khala y, paleung tang naimy paleung akawi iy tapawp reng nai samrang leaungrei lyn ai.

Levi 18:24

Nangchi ly huna naichi sa iy nangmychi ai chai hai y ai nai so moh. Nangchi awm ai nai pri i Kai, Areng my patheu ai nai chengchi ly huna nai chai y naichi sa iy mymychi ai chai hai y bo.

Leu Thui Nai 9:4

“Nangchi i Areng Tameuh ly nangchi mo y nichi ai patheu chum nai khala, huni pri ly nangchi hawi ataing nai deaungkho y nangchi ai pahawi iy, amtym ai nai pei nai ne, nanai athang khai u moh. Nichi i kamngo nai deaungkho y Areng ly nichi ai patheu nai ne.

Leu Thui Nai 9:5

Nangchi i hawi nai saichi deaungkho y Areng my huni pri nangchi teng y ang pei nai ny y leang. Huni khumichi i kamngo nai molam py, nangchi i amsi pajo Abraham, Isaka, Jakobchi teng y adeu nai leu khaw hai ai nai aly ngai nai molam py, Areng ly nichi ai patheu pawn ai.

I THESALONIKA 2:16

Cheng Takhrachi ly hengra nga u thai ai nai nichi teng y leu thui ai nai ang paka lawh veng; huni ly mymychi i kamngo ne naira kawi hai jojo ai nai chy bo; na i py kado theu naira ly angym pa-rei mymychi i tlang tleaung y tym bo.