ATITI AWM ANGCHEI NAI 15:14 - Khumi Common Language Bible

¹⁴ Na i py kaimy nichi ai pahyp y naimy ana nai, miseaung y khai nai keungchi ai pajeng ai i, nichi ly cheng takhrachi theung i nai yhmtheaung neangneang syn naimy theu u ai.

ATITI AWM ANGCHEI NAI 15:14 ပူးပေါင်းရင်းမြစ်များ

ATITI AWM ANGCHEI NAI 48:21

Naibaly Jakob ly Josepha teng y, “Nang i niu nai kamta kai ly dei ai nai kasa bo; na i py Tameuh my nang hawi vanrei awm hai ai i, nang i amsi pajochi i pri y ang pahawi ali teang ai.

ATITI AWM ANGCHEI NAI 50:24

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

SAM 105:42

Mymy ly mymy i miseaung Abraham teng y adeu nai leu ai pany pi bo.

SAM 135:14

Areng ly mymy i khumichi ai ama hai ai; mymy i miseaungchi ai pahen ai.

SAM 135:9

Huni pri y awm nai samrang Pharao hawi, ni i miteaung keh bawibawichi ai pajeng ai nai molam y, mymy ly rengrang ka-ma-rachi hawi, lyh ai hawi naichi sa pi nai ne.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

THEU NAI 12:29

Anenghyh y Areng ly Aikupta pri theung i chapo chalu ngierei ai padei nai ne. Samrang i yhmtheaung kamtym chapo chalu ka-so theaung tla naichi i chapo chalu py, tawnbawi cho chalu py padei nai ne.

THEU NAI 3:10

Kai i khumi Israela chengchi ai Aikupta pri i nai patheu iy pahawi ai nai, vai kai ly nang ai Aikupta samrang teng y kang pato ai,” napi.

AMTAW 7:7

Naibaly nichi ai miseaung palawn ai nai chengchi ai ly kaimy chih ai, naibaly hunai bo y nichi ly theu ai i, hini meingtym y kai i kalop sa ai, nanai thui.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 6:22

Mymy ly Aikupta chengchi teng py, nichi i samrang hawi bangtang bawibawichi teng py, rengrang ka-ma-rachi patei iy ka-jei awm nai patangrachi tym hai nai sai amychi i mei y niu u bo.

JOSUA 24:17

Kaichi i Areng Tameuh ly kaichi i ampochi hawi kaichi ai miseaung achei nai, Aikupta pri i dengdairei atleu pi bo. Mymy i sa pi nai lyh ai hawi parai naichi kaichi niu u bo. Pri neangneangchi tako prei nai khuleaung jeungrei, mymy ly kaichi ai ama hai iy, ang kry nai ne.

1 SAMUELA 12:8

Jakob hawi my i yhm dengtheungchi ly Aikupta pri y chei u nai khala y, Aikupta chengchi my nichi ai ana u kalikachi bo. Huna nai khala y nangchi i amsi pajochi ly kasabawmra nga ai nai Areng teng y aeu u nai deaungkho y, mymy Mosi hawi Aron ai pato pi. Nini leaung nyhrei ly nangchi i amsi pajochi ai Aikupta pri i dengdairei pahawi iy, hini pri y khuteng sa hai bo.