Terah ly chapo Abram, katu Lotachi hawi lengngo Saraichi ai hawi iy, Kanan pri y chei ai nai Babulon pri Ura mary i dengdairei amsa i, Haran mary y tym iy, huni mary y khuteng sa.
Abram ly aju Sarai ai py, amnau i chapo Lota ai py, nang nai yhmtheaung katuichi py, Haran y awm nai thym khala i nga nai miseaungchi py hawi iy, Kanan pri mang y tako u i tym u bo.
Paleung ka-echi my la pi pawn nai vawnchi nga bawibawi teang. Mymy i amnau i chapo Lota hawi yhmtheaungchi, neampachychi, langheng hawi naichi ai py hawi u ali teang bo.
Ni ly khumi mipuichi teng y, “Hini khumi aso y naichi i taichi hawi kamlo y asyh u; nichi i vawn sai ha harei py abi u moh. Kai i leu tangai y baly nangchi ly nichi i kamngo molam y nichi hawi vanrei phra u ai,” napi.
Naibaly kani pri mang i dengdairei raawi takhra my ly, “Kai i khumichi awi, nangchi ly mymy i kamngo nairachi hawi amkawm y ai nai hawi, mymy i tlang tleaung y tym nai patang hai naira y phy ngo u teang y ai nai py, mymy teng i dengdairei theu u jau: