ATITI AWM ANGCHEI NAI 13:7 - Khumi Common Language Bible

⁷ Naibaly Abram i tawnbawi kry nai keungchi hawi, Lota i tawnbawi kry nai keungchi ly ajo u nai ne. (Huni neng khala huni meingtym y ly Kanan hawi Perizi chengchi awm u yb nai ne.)

ATITI AWM ANGCHEI NAI 13:7 ပူးပေါင်းရင်းမြစ်များ

ATITI AWM ANGCHEI NAI 10:19

Sidon tokalawi mang dengdairei Kaza mary sahawi Kerar mary tym pa-rei, nisi mang Sodom mary, Komora mary, Adamah mary, Zeboim mary hawi Lasha mary sahawi tym pa-rei py, Kanan pri peang y khrairei ahei akyhkyh bo.

ATITI AWM ANGCHEI NAI 12:6

Kanan pri y tym u nai khala Abram ly Sekhem meingtym, Moreh dengkeaung kachai awm nai mang y tym pa-rei tako prei nai ne. (Huni neng y Kanan chengchi ly huni meingtym y awm u angchi yb nai bo.)

ATITI AWM ANGCHEI NAI 21:25

Abraham ly Abimelek i miseaungchi my tuikan lawm vui nai molam y, Abimelek teng y amti pi.

ATITI AWM ANGCHEI NAI 26:20

Kerar i khumi beram typ nai keungchi my Isaka i beram typ nai keungchi teng y, “Hini tuikan ly kaichi i ne,” nanai angen iy Isaka i beram typ nai keungchi hawi a-ei u. Hunai deaungkho y Isaka my huni tuikan ai ly “Ka-jo tuikan” nanai amyn pathi bo.

ATITI AWM ANGCHEI NAI 34:30

Huna nai khala Jakob my, Levi hawi Simeon teng y,” Nangni ly kai ai paleung mawnra tym hai bi bo; vai ly hini pri i Kanan cheng hawi Perizi chengchi ly kai ai niu ngai u y ai bo. Kai teng y khumi maidenreichy awm khyh; nichi ly khumi akachu iy, kai ai ang tiu baly achi dengtheung bawibawi ly dei be ai bo,” napi.

ATITI AWM ANGCHEI NAI 46:34

Kaichi ly amsi pajochi deung i dengdai vaini khrairei, beram hawi sichi khawn u nai ne, nanai thui pi. Huna khala naini nangchi ai Kosen meingtym y awm ai nai ang pei ai,” nanai thui pi bo. Aikupta khumichi ly beram typ nai keungchi ai paso nai deaungkho y, Josepha my huna nai kamta thui hai nai ne.

NEHEMIA 5:9

Naibaly kai ly nichi teng y, “Nangchi i sa nai kalop ly hawi y lawh ly! Cheng takhra paleung ka-echi my achi ai ang panui hai naira i nai lawi ai nai, Tameuh ai jei kaji naimy nangchi kateng sa u ai nai avo.

THEU NAI 2:17

Na i py beram typ nai phyrei neampachochi ly Jethro i chaniuchi ai paryh pawn nai ne. Huna nai khala Mosi ly huni neampachychi ai sabawm nai tawnbawichi ai tui panei pi.

LEU KACHENG 20:3

Khumi ka-khum ly ka-jo ka-thuira tym hai reng. Ka-jo ka-thui ngai nai khumi hawi abi y pa-rei awm thai nai khumi ly tahm awm nai khumi ne.

MARKA 3:25

Dengtheung py amy tengtawi atiu ryp baly, huni dengtheung ly awm thai y leang.

I KORINTH 3:3

ati mana nai mo nabaly nangchi ly tlang i kangai my peang naichi ne jojo rai: nangchi theung y akeng naira hawi aei naira awm reng nai deaungkho y nangchi ly tlang i kangai my peang nai ne iy, khumi kamta tako u jojo rai nai ny y lawh a?

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

KOLOSA 4:5

Ka-vo sa pi nai ly pasum u y iy, angam mang i khumichi teng y ly cheng parai naimy awm u.

I THESALONIKA 4:12

hunaibaly nangchi ly ati sai py avaw y iy angam mang i khumi i ka-niu y meitang naimy awm u thai ai.

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.

JAKOB 3:16

Paleung ano naira hawi, aei nai awm naira y ly khrukhra naira hawi atiti kamngo cheaungkhang awm reng.

JAKOB 4:1

Nangchi theung y atiu naira hawi aei naira ly ma mang i dengdairei theu nai mo? Nangchi i tlang kangprei y atiu nai nangmychi i ngai phi teng y naira i dengdairei theu nai ny y a?

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.