ATITI AWM ANGCHEI NAI 13:16 - Khumi Common Language Bible

¹⁶ Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y!

ATITI AWM ANGCHEI NAI 13:16 ပူးပေါင်းရင်းမြစ်များ

ATITI AWM ANGCHEI NAI 15:5

Areng my Abram ai angam mang y theu hai i, “Kani mang y angdeang ly ka-sichi ai kati cham; nang i kangpreangchi ly hunai kamta nawi teang ai,” napi.

ATITI AWM ANGCHEI NAI 16:10

Naibaly kani pri amtaw thai naimy thui bi nai ly “Nang i kangpreang ly kati lei y na pa-rei kang peung hai ai.

ATITI AWM ANGCHEI NAI 17:16

Kaimy ni ai amtheaung hai ai, nimy nang i vui chapo tapen pi ai. Kaimy ni ai amtheaung hai ai i, mymy ly khumi cheng cheaungkhangchi i amhm lawm ai; mymy i kangpreangchi theung i nai samrangchi theu ai,” napi.

ATITI AWM ANGCHEI NAI 17:2

Nang hawi Leu Maikawm asa iy, nang i kangpreangchi neangneang peung hai ai,” napi.

ATITI AWM ANGCHEI NAI 17:20

Ismaela i vui nang i hnei nai kai thai mang; mymy ai py kaimy amtheaung hai ai: cho chanau neangneang peung ai i, kangpreang neangneang peung hai ai. Ni i kangpreangchi py khumi kalen lawm ai i, mymy py peang nai keung leaung holai nyhreichi i ampo lawm ai.

ATITI AWM ANGCHEI NAI 17:6

Kaimy kangpreang neangneang peung hai ai i, phyrei ly samrangchi lawm u ai. Cheng cheaungkhang khumichi lawm ai nai, nang ly kangpreang neangneang peung ai.

ATITI AWM ANGCHEI NAI 18:18

Mymy i kangpreangchi ly cheng kalen hawi sa thai naira awm nai khumi cheng lawm ai; ni deaungkho y cheng cheaungkhangchi ai kaimy amtheaung hai ai.

ATITI AWM ANGCHEI NAI 21:13

Miseaung nu i chapo py nang i chapo ne teang i, mymy ai py cho chanau neangneang peung hai ai: nichi py khumi cheng harei lawm teang ai,” napi.

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

ATITI AWM ANGCHEI NAI 28:3

Ati cheaungkhang sa thai nai Tameuh ly nang ai amtheaung hai ai i, deaungdi neangneang peung hai iy nang ai khumi cheng cheaungkhangchi i ampo lawn hai sy!

ATITI AWM ANGCHEI NAI 32:12

Nang i chei naira tleirei y kaimy kang pahawi ai, pangli spryh kamta nang i kangpreangchi kang peung hai ai, nanai nangmy adeu nai leu ai ly pany pi jo kyh ba,” nanai takeng bo.

ATITI AWM ANGCHEI NAI 32:13

Hu y vumrei jei i, Jakob my amjo Esaw i vui langseaung mi-i nu chungvai nyhrei hawi katai apomrei, beram nu chungvai nyhrei hawi katai apomrei, Kula-iu nu choprawi phairei, si nu vui palyhrei hawi katai horei, keaungngo kano kasau nu apomrei hawi katai horei,

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 46:3

Tameuh my, “Kai ly Tameuh ne, ngampo i Tameuh ne: nang ly Aikupta pri mang y chei ai nai jei moh; hu y nang i kangpreangchi ai kaimy khumi cheng kalen lawm hai ai.

1 ARENG KEH 3:8

Vai kai ly nangmy vawi takhra nai khumichi theung y kaawm bo. Nichi ly kati pajau y na pa-rei nawi nai ne.

1 ARENG KEH 4:20

Juda pri hawi Israela pri i mipuichi ly pangli peang i spryh jirei nawi nai ne. Nichi ly amo theu naimy cha nei iy awm u bo.

2 ARENG KEH 13:23

Na i py Areng ly nichi ai pahen py pahen, tamen py tamen nai deaungkho y, nichi ai tamo hai y. Mymy ly Abraham, Isaka, Jakob nichi hawi asa nai leu maikawm ai pany jo i, nichi ai sabawm nai ne. Mymy i khumichi ai mana khala py tami y bo.

1 NENG SATANG 21:5

Ni my ly tavai keung y kalop sa pajau nai Israela pri theung i khumi leaung 1,100,000 rei hawi Juda pri theung y leaung 470,000 rei awm, nanai samrang Davida teng y amti pi bo.

1 NENG SATANG 27:23

Areng my Israela khumichi ai kani mang i ka-sichi kamta peung hai ai, nanai adeu pi nai deaungkho y, samrang Davida ly saneng apomrei anui khumichi ai amyn vuikanai lo y.

2 NENG SATANG 1:9

Aw Areng Tameuh, nang ly kai i ampo teng y leu adeu nai ly khaw hai. Nang ly kai ai kati leila y na pa-rei nawi nai hini khumichi i samrang lawm hai bo.

JOBA 5:25

Nang i katu chanauchi ly acha kamta peung u ai.

THEU NAI 1:7

Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 32:13

Nang i miseaung Abraham, Isaka hawi Jakobchi ai pany pi jo kyh; nang ly nichi i kangpreangchi ai kani mang i ka-sichi kamta peung hai ai, nanai hawi, nangmy adeu hai typ nai huni pri bawibawi ly nichi i kangpreangchi amtym jojo ai nai, nanai pany pi ba,” nanai ahui pi bo.

JEREMIA 33:22

Kai ly kani mang i ka-si taukichi hawi pangli peang i spryhchi kamta, kati pajau y na pa-rei kai i miseaung Davida i kangpreangchi hawi kai i kalop sa nai Levi theaung pathyp pi nai keungchi i vuikanai peung hai ai,” napi.

Kati Nai 23:10

Israela kangpreangchi ly nawi parai nai deaungkho y, spryh ai kati pajau y nai kamta ly nichi ai kati pajau y. Tameuh i khumi leaungrei kamta deung tlum ai nai kangai. Khumi kahawichi kamta tlamsa naimy dei ai nai kangai,” napi.

Leu Thui Nai 1:10

Nangchi i Areng Tameuh ly nangchi ai kani mang i ka-sichi tanrei ang peung hai bo.

HEBRAI 11:12

Hunaibaly khumi kadei kamta awm nai neampacho leaungrei teng i nai kani mang i ka-sichi nawi nai sai kamta hawi, pangli peang i spryh kamta kati pajau y nai pa-rei py peung u bo.

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’

TARA CHIH NAI KEUNGCHI 6:3

Israela chengchi i amti amjang pati nai tleirei y, Midian chengchi ly Amalek chengchi, khutaha pri y awm nai khumi chengchi hawi vanrei jeu iy, tiu u reng nai ne.

TARA CHIH NAI KEUNGCHI 6:5

Nichi ly mychi i kanih yhmchi, beramchi, sichi hawi vawi u ali teang reng nai ne. Nichi i nawi nai sai ly akhutama kanghuchi kamta ne. Nichi hawi mychi i kula-iuchi py, kati pajau y na pa-rei nawi na; nichi ly jeu u iy awm nai ngierei ai taphra u.