ATITI AWM ANGCHEI NAI 13:10 - Khumi Common Language Bible

¹⁰ Huna nai khala Lota ly khen angdeang prei i, Zoar mary khrairei, Jordan tavo jawn jeungrei ly Areng i Akho ti y baly, Aikupta pri kamta py tui hawi nai niu bo. (Huni ly Areng my Sodom mary hawi Komora mary taphra y rai kha i meingtymchi ne.)

ATITI AWM ANGCHEI NAI 13:10 ပူးပေါင်းရင်းမြစ်များ

ATITI AWM ANGCHEI NAI 11:27

Hini ly Terah i kangpreangchi ne; mymy ly Abram, Nahora hawi Haranchi i ampo ne. Haran ly Lota i ampo ne.

ATITI AWM ANGCHEI NAI 13:11

Naibaly Lota ly Jordan tavo jawn jeungrei vawi takhra iy, nisi mang y asyh vui bo. Hhuni dengdairei nini ly amprei hawi nai ne.

ATITI AWM ANGCHEI NAI 13:9

Hunai deaungkho y ani amprei hawi sina. Nangmy i ngai nai meingtym vawi takhra ly huni mang y tako, kai py kaimy ngai nai mang y tako ai,” napi.

ATITI AWM ANGCHEI NAI 14:2

Sodom samrang Bera, Komora samrang Birasa, Adamah samrang Sinaba, Zeboim samrang Semeber, Bela samrang ti y baly Zoar samrang leaung pangreichi ai tavai tiu u bo.

ATITI AWM ANGCHEI NAI 14:8

Naibaly Sodom samrang, Komora samrang, Adamah samrang, Zeboim samrang hawi Bela samrangchi ly Sidim leaunghawi y tavai tiu ai nai tavaimichi ai palau u ali teang bo.

ATITI AWM ANGCHEI NAI 3:6

Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang.

ATITI AWM ANGCHEI NAI 47:6

Aikupta pri ly nichi i pri ne. Kosen meingtym y awm u sy, hawi keh nai khaileaung meingtym py ne. Naibaly nichi theung y sa thai naira awm naichi ai ly kai i tawnbawichi ai kry nai keung y khai,” napi.

ATITI AWM ANGCHEI NAI 6:2

Kanicho phyreichi lyanglo hawi nai sai niu i, mychi ngai nai ngierei ai ly pom u bo.

1 ARENG KEH 7:46

Samrang ly Jordan tavo leaunghawira awm nai Sukkoth mary hawi Zarethan mary sala i kheupaja an patlawn nai meingtym y, huni ateaung alangchi sa nai ne.

JOBA 40:23

Ni ly tui ho nai tavo ai jei y, my i meimai y Jordan tavo tui kaho leaung hai nai khala py, amchyh y naimy awm.

SAM 107:34

Mymy ly khaileaung kahawi ai, teaung ai ngo y nai palawi khaileaung lawm hai bo; ati mana nai mo nabaly hu y awm nai khumichi i hawi y nai molam y ne.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

JEREMIA 48:34

“Hesabon mary hawi Elealeh maryra i khumichi vo nai raawi ly Jaha mary y tym pa-rei thai u nai ne. Huni raawi ly Zorath mary, Horonam mary hawi Ekala mary i dengdairei py thai pajau. Nimarim micheaung tui py kang veng bo.

Ezekiela 16:46

“Nang i ngamjo neampachy ly mymy i chaniuchi hawi vanrei awm nai tosyh ngan mang i Samari mary ne. Nang i ngamnau neampachy ly mymy i chaniuchi hawi vanrei awm nai, tokalawi ngan mang i Sodom mary ne.

Ezekiela 16:49

Ni hawi ni i chaniuchi ly paleung len naimy kajeu kawi ala nai, ami ai py tahm khai y iy khumi kamawnchi hawi avaw nai khumichi ai sabawm u y.

Ezekiela 28:13

Tameuh i Eden akho y awm naimy amia, diamond, topazi, berula, kanelian, Jasper, saphire, emerald hawi karanet napi nai vang kateng lengseaungchi amthyp ai nai nga bo. Nang i ateaungchi ly muku hawi pateaung nai ne. Huni ateaungchi ly nang ai chun nai kani y my, nang i vui sa pi yb nai ne.

Ezekiela 31:8

Tameuh i akho theung i saitleang keungchi malawn py huni keung hawi pata pajau y. Mani maicha keung malawn py hina nai changpichi by y. Mani kheaungtumchy py hina nai changpi len nai by y. Tameuh i akho theung y malawn py hina tanrei apu nai dengkeaung keung by y.

Ezekiela 31:9

Kai ly huni keung ai angvai nai changpichi hawi apu parai pa-rei palum nai deaungkho y, Eden meingtym, Tameuh i akho theung i dengkeaung leilachi my malawn py paleung angai y bo.

Ezekiela 47:18

Nisi ngan mang i khujyh ly Damaska pri hawi Hauran pri sala i ka-so, pangli kadei tui peang y awm nai Tamar mary khrairei ne iy, Jordan tavo nidym ngan mang y awm nai Israela pri hawi, nisi ngan mang y awm nai Kilead prichi i khujyh kamtleh ka-ma-ra ne.

JOELA 2:3

Akhu-tamachi ly amti amjangchi ai mai kamta cha bo. Khaileaung ly nichi i mo y Eden akho hawi atawm iy, nichi i lawi ly amti amjang by y nai, khutaha meingtym hawi atawm. Nichi teng i dengdairei law tleaung nai amti amjang, nanai by y.

Leu Thui Nai 34:3

Juda khu ka-peang tokalawi ngan, Zoar mary dengdairei chamleaung mary napi nai Jeriko mary khrairei kau nai adym dengdairei pri verei ai Mosi teng y patei pi bo.