ATITI AWM ANGCHEI NAI 12:4 - Khumi Common Language Bible

⁴ Areng my thui pi nai kamta Haran mary i dengdairei theu nai thym khala y, Abram i saneng ly vui saryh taja pangrei awm. Lota py mymy hawi vanrei abang teang.

ATITI AWM ANGCHEI NAI 12:4 ပူးပေါင်းရင်းမြစ်များ

ATITI AWM ANGCHEI NAI 11:27

Hini ly Terah i kangpreangchi ne; mymy ly Abram, Nahora hawi Haranchi i ampo ne. Haran ly Lota i ampo ne.

ATITI AWM ANGCHEI NAI 11:31

Terah ly chapo Abram, katu Lotachi hawi lengngo Saraichi ai hawi iy, Kanan pri y chei ai nai Babulon pri Ura mary i dengdairei amsa i, Haran mary y tym iy, huni mary y khuteng sa.

ATITI AWM ANGCHEI NAI 13:5

Abram hawi vanrei abang nai Lota py yhm dengtheungchi hawi miseaungchi, tawnbawichi, beramchi, mi-ichi neangneang awm teang nai ne.

ATITI AWM ANGCHEI NAI 16:16

Huni neng y Abram ly saneng vuitaja takaw tariurei awm nai ne.

ATITI AWM ANGCHEI NAI 16:3

Naibaly Sarai ly Abram teng y, miseaung nu Hakari ai au bo. (Hini ly Abram Kanan pri y saneng horei awm nai bo y Hakari ai aju palawn nai ne.)

ATITI AWM ANGCHEI NAI 25:7

Abraham ly saneng 175 rei heng i, khri pa-rei miteaung cheang nai khala y dei nai ne.

ATITI AWM ANGCHEI NAI 28:10

Jakob ly Beraseba i nai theu iy Haran mary mang y chei bo.

AMTAW 7:4

Hunaibaly mymy ly Kaldai khumichi pri i dengdairei theu i, Haran avang y awm bo; naibaly mymy i ampo dei nai bo y hu i dengdairei vai hini nangchi i awm nai pri y Tameuh my ni ai angpyn hai bo.

HEBRAI 11:8

Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.

HEBRAI 6:15

Hunaibaly mymy ly pajau tanga pa-rei kham nai bo y leu adeu nai ly nga khyp bo.