ATITI AWM ANGCHEI NAI 12:3 - Khumi Common Language Bible

³ Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

ATITI AWM ANGCHEI NAI 12:3 ပူးပေါင်းရင်းမြစ်များ

ATITI AWM ANGCHEI NAI 18:18

Mymy i kangpreangchi ly cheng kalen hawi sa thai naira awm nai khumi cheng lawm ai; ni deaungkho y cheng cheaungkhangchi ai kaimy amtheaung hai ai.

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 24:35

“Areng my kai i yhmkeung ai khri pa-rei amtheaung hai i, mymy ly nang chawn bo. Areng my ni ai ly beram kanghu, mi-i kanghu, muku, tangka, miseaung neampacho neampachy, kula-iu hawi keaungngo kano kasauchi amtheaung hai nai ne.

ATITI AWM ANGCHEI NAI 25:11

Abraham dei nai bo y, “Kai ai niu nai Tameuh kangheng i tuikan” sahawi y awm nai chapo Isaka ai Tameuh my amtheaung hai bo.

ATITI AWM ANGCHEI NAI 26:29

kaichi my nang ai ka-jo hau y naimy nangchi ai pahen nai y, awmnem naimy theu hai nai kamta, nang py kaichi ai ka-jo hau y leang mang, nanai leu adeu ba. Areng ly nang ai amtheaung hai ai, nanai ly hawihai amny bo,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 27:29

Pri bawibawichi ly nang teng y lu meung iy miseaungchi lawm u sy. Cheng cheaungkhangchi ly nang i mo y lu meung u sy. Nang ly amjo amnauchi ai peang sy. Nang i amhm kangpreangchi ly nang ai lu meung u sy. Nang ai pasawi nai khumi ai ly amsawi lawi teang sy. Nang ai amtheaung hai nai khumichi ly amtheaungra ngo teang sy,” napi.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

ATITI AWM ANGCHEI NAI 30:27

Huna nai khala Labana ly mymy teng y, “Kaimy kang thui pi ai; nang i saho y Areng my kai ai amtheaung hai, nanai kang pany pi bo.

ATITI AWM ANGCHEI NAI 30:30

Kai tym y rai khala nang i tawnbawichi ly maidenreichy khyh, vai ly neangneang peung bo. Kai i saho y Areng ly nang ai amtheaung naira ang pei nai ne. Vai kai ly kaimy i dengtheungchi i vui nang chawn ai nai molam kalop sa ai nai neng tym bo,” napi

ATITI AWM ANGCHEI NAI 39:5

Huna khala i ka-so Areng my Josepha i saho y, huni Aikupta khumi i yhm dengtheung ai py, ni i kalop hawi li hlau kalopchi ai py amtheaung hai bo.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

THEU NAI 23:22

Na i py nangchi ly ni i leu tangai iy kai i leu pei nai kamta sa u baly, kai ly nangchi i paleung ka-e bawibawi hawi, nang ai ka-awi sa nai khumichi ai kaimy tiu ai.

Kati Nai 24:9

Israela pri ly atho ham nai khrangsi hawi atawm; khrangsi i nai khala ami py ni ai palaw vam y. Israela chengchi ai amtheaung hai nai khumi ly amtheaungra nga ai; Israela chengchi ai pasawi nai khumi ly amsawi lawi teang ai,” napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MATTHAI 25:45

Naibaly mymy ly nichi teng y, ‘Meitang khyp kang thui pi, hini khumi theang keh naichi theung y leaungrei i tlang tleaung y so u y nai ly kai i tlang tleaung y so u y nai ne, nanai pathang ai.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

ROM AVANGCHI TENG Y PAWLA I CHA PA NAI 4:11

Hunaibaly mymy ly lengkhym takip y nai awm nai thym khala y ym naira deaungkho y hawi naira awm, nanai pajawp typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo nabaly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

KALATIA 3:16

Naibaly Abraham teng y hawi, mymy i kangpreangchi teng y py atiti leu adeu hai nai ne. Khumi neangneangchi i molam leu thui nai kamta, “Kangprengchi teng y py,” tapi y; na i py leaungrei molam leu thui nai kamta, “Nang i kangpreang teng y py,” napi nai ne lawh veng; huni ly Krista ne.

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’