ATITI AWM ANGCHEI NAI 12:2 - Khumi Common Language Bible

² Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 12:2 ပူးပေါင်းရင်းမြစ်များ

ATITI AWM ANGCHEI NAI 13:16

Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y!

ATITI AWM ANGCHEI NAI 15:5

Areng my Abram ai angam mang y theu hai i, “Kani mang y angdeang ly ka-sichi ai kati cham; nang i kangpreangchi ly hunai kamta nawi teang ai,” napi.

ATITI AWM ANGCHEI NAI 17:20

Ismaela i vui nang i hnei nai kai thai mang; mymy ai py kaimy amtheaung hai ai: cho chanau neangneang peung ai i, kangpreang neangneang peung hai ai. Ni i kangpreangchi py khumi kalen lawm ai i, mymy py peang nai keung leaung holai nyhreichi i ampo lawm ai.

ATITI AWM ANGCHEI NAI 18:18

Mymy i kangpreangchi ly cheng kalen hawi sa thai naira awm nai khumi cheng lawm ai; ni deaungkho y cheng cheaungkhangchi ai kaimy amtheaung hai ai.

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

ATITI AWM ANGCHEI NAI 19:29

Na i py Tameuh my Lota awm nai adym i mary bawibawi ai py taphra nai khala, Tameuh my Abraham ai pany jo i, Lota ai ly tleaung hai nai ne.

ATITI AWM ANGCHEI NAI 24:1

Abraham ly khri pa-rei miteaung cheang bo; Areng my ni i sa nai cheaungkhangra y amtheaung hai nai ne.

ATITI AWM ANGCHEI NAI 24:35

“Areng my kai i yhmkeung ai khri pa-rei amtheaung hai i, mymy ly nang chawn bo. Areng my ni ai ly beram kanghu, mi-i kanghu, muku, tangka, miseaung neampacho neampachy, kula-iu hawi keaungngo kano kasauchi amtheaung hai nai ne.

ATITI AWM ANGCHEI NAI 25:11

Abraham dei nai bo y, “Kai ai niu nai Tameuh kangheng i tuikan” sahawi y awm nai chapo Isaka ai Tameuh my amtheaung hai bo.

ATITI AWM ANGCHEI NAI 26:3

Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 27:29

Pri bawibawichi ly nang teng y lu meung iy miseaungchi lawm u sy. Cheng cheaungkhangchi ly nang i mo y lu meung u sy. Nang ly amjo amnauchi ai peang sy. Nang i amhm kangpreangchi ly nang ai lu meung u sy. Nang ai pasawi nai khumi ai ly amsawi lawi teang sy. Nang ai amtheaung hai nai khumichi ly amtheaungra ngo teang sy,” napi.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 46:3

Tameuh my, “Kai ly Tameuh ne, ngampo i Tameuh ne: nang ly Aikupta pri mang y chei ai nai jei moh; hu y nang i kangpreangchi ai kaimy khumi cheng kalen lawm hai ai.

2 SAMUELA 7:9

Nang i chei naira tleirei y kaimy kang awm hai iy, nang i paleung ka-echi tlang tleaung y eaung ai nai pei bo. Kai ly nang ai khaileaung pri y amthang keh nai lu leaungrei lawm hai bo.

1 ARENG KEH 1:47

Samrang i bangtangchi ly samrang Davida teng y tahm khai ai nai chei u iy, ‘Nang i Tameuh ly Solomon ai, nang tleaung y amthang hai keh sy; nang i peang nai deung tleaung y Solomon i peang nai deung ly nang chawn nai pri lawm hai sy’ napi u bo. Naibaly samrang Davida ly mymy i ira tleaung y lu meung naimy,

JOBA 35:8

Nang i sa nai kamngochi ly nang kamta, khumichi ai patang naira tym hai pajau; nang i kahawi sa naichi py, khumichi ai hawi naira nga hai pajau nai ne.

SAM 107:38

Mymy ly mymy i khumichi ai amtheaung naira pei nai deaungkho y, nichi ly cho chanauchi neangneang nga u; mymy ly nichi i si kanghuchi ai py, peung ai nai kry pi bo.

THEU NAI 1:7

Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 32:10

Kai ai paka moh; kai ly kado theu i, nichi ai katamyh pawn ai. Naibaly kai ly nang hawi nang i kangpreangchi ai khumi cheng kalen kang lawm hai ai,” napi.

ISAIA 51:2

Nangchi i amsi sangum Abraham hawi Sarah nini i satang dawn pany jo ba. Abraham ai kaimy palau nai thym khala y, ni ly cho chanau by y. Na i py kai ly ni ai cho chanau amtheaung hai iy, ni i kangpreangchi peung hai nai ne.

Ezekiela 34:26

“Kai ly nichi ai amtheaungra pei iy kai i mawi kachai tengtang y awm hai ai. Aly aeang nai neng tym nai khala, amtheaung nai kani nai hai ai.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

Kati Nai 14:12

Kai ly nichi ai no kanghawi tym hai iy, tamyh vui ai. Na i py kai ly nang ai nichi tleaung y kang peung hai iy, sa thai naira len nai khumi cheng i ampo lawm hai ai!” napi.

Kati Nai 22:12

Tameuh my Balam teng y, “Nang ly hini khumichi nithun abang moh; Israela chengchi ly kaimy amtheaung hai nai khumichi ne nai deaungkho y, nichi ai pasawi moh,” napi.

Kati Nai 23:20

Amtheaung hai ai nai kai ai leu ang pei; Tameuh my pei nai amtheaungra ai ly paka vui thai y leang.

ROM AVANGCHI TENG Y PAWLA I CHA PA NAI 4:11

Hunaibaly mymy ly lengkhym takip y nai awm nai thym khala y ym naira deaungkho y hawi naira awm, nanai pajawp typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo nabaly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne.

KALATIA 3:14

(ati mana nai mo nabaly, “Dengkeaung y dang nai ngierei ly amsawi lawi nai ne,” nanai tajiu nai ne:) hunaibaly achi ly ym naira deaungkho y adeu nai Phailo ly nga pajau ai.

KALATIA 3:7

Hunaibaly pany u, ym naira y awm naichi ly, hunichi kypkyp ly Abraham i chanauchi ne.

Leu Thui Nai 26:5

Hunaibaly nang ly Areng i mo y: ‘Kai i amjo amnauchi ly yhm hlau jeaungmang nai Aramean cheng ne; ni ly my i yhm dengtheungchi ai hawi iy Aikupta pri y awm ai nai chei nai khumi ne. Huni pri y tym nai thym khala khumi di parai teu i py, kangkhym y ly khumi neangneang peung iy sa thai naira haiho len nai cheng lawm u bo.