30 Sarai ly chanau so y.
Terah ly chapo Abram, katu Lotachi hawi lengngo Saraichi ai hawi iy, Kanan pri y chei ai nai Babulon pri Ura mary i dengdairei amsa i, Haran mary y tym iy, huni mary y khuteng sa.
Rebeka ly deaungdi so y nai deaungkho y Isaka my Areng teng y chiu sa. Areng my chiu sa nai pathang pi i, Rebeka ly deaungdi aniu bo.
Jakob ly Rakeli y tanrei Leah ai tamen y nai sai Areng my pany i Leah ai chanau sa ai nai ka-vo sa pi, na i py Rakeli ai ly teng hai bo.
Mymy ly teng nai neampachy ai tahm pasang i, cho chanauchi nga hai iy amo theu hai bo. Areng ai palo u!
Naibaly khen cham, nang i amjo amnau Elizabet my py miteaung mang y neampacho deaungdi aniu bo: teng napi reng nai ly hini lo ly tariu lo bo.
Na i py Elizabet ly teng nai deaungkho y chanau so y, naibaly myni ly miteaung tlai veng bo.
Huni neng khala Zorath mary i Dan cheng theaung Manon napi nai khumi leaungrei awm. Ni i aju ly teng vui nai deaungkho y, cho chanau ngo thai y.
Elakana ly Hannah hawi Peninah napi nai aju leaung nyhrei awm. Peninah ly cho chanau sa, na i py Hannah ly so y.
Hannah ai ly mawi phy paji pi patyp keh nai ne. Areng my Hannah ai cho chanau pei y i py, Elakana ly Hannah ai khri pa-rei khrei nai ne.
