ATITI AWM ANGCHEI NAI 1:22 - Khumi Common Language Bible

²² Mymy ly tui theung y awm nai py, tavochi py pangli kawi na pa-rei peung sy, nanai amtheaung hai bo.

ATITI AWM ANGCHEI NAI 1:22 ပူးပေါင်းရင်းမြစ်များ

ATITI AWM ANGCHEI NAI 1:21

Hunaibaly Tameuh ly pangli theung y heng nai amjy cheaungkhang napi nai tui theung i mana mawichi hawi, tavo cheaungkhangchi sa. Tameuh ly hunichi ai hawi nai nui i amo theu.

ATITI AWM ANGCHEI NAI 1:23

Naibaly dym awm nai bo y, khawn py awm teang; huni ly pa-ngo kani ne.

ATITI AWM ANGCHEI NAI 1:28

Nini ai amtheaung hai i, “Cho chanau neangneang so, nangni i kangpreangchi ly khaileaung pri verei y peung u sy; khaileaung pri py peang u. Nangchi i anui y awm ai nai daichi mawichi, tavochi hawi ngochi ai peang u,” napi.

ATITI AWM ANGCHEI NAI 30:27

Huna nai khala Labana ly mymy teng y, “Kaimy kang thui pi ai; nang i saho y Areng my kai ai amtheaung hai, nanai kang pany pi bo.

ATITI AWM ANGCHEI NAI 30:30

Kai tym y rai khala nang i tawnbawichi ly maidenreichy khyh, vai ly neangneang peung bo. Kai i saho y Areng ly nang ai amtheaung naira ang pei nai ne. Vai kai ly kaimy i dengtheungchi i vui nang chawn ai nai molam kalop sa ai nai neng tym bo,” napi

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 8:17

Khaileaung y peung ai nai, nang hawi vanrei awm nai amso mawichi py, tavochi py patheu,” nanai leu pei bo.

ATITI AWM ANGCHEI NAI 9:1

Tameuh my Nova hawi chapochi ai amtheaung hai nai leu ly “Nang i kangpreangchi ly khaileaung pri verei y kawi ai nai cho chanau neangneang so u,” napi.

JOBA 40:15

Heng nai amjy pui Behamoth; ai khen cham. Kai ly ni ai sa; nang ai py sa nai ne. Ni ly si kamta acha cha i py,

JOBA 42:12

Areng ly Joba i heng nai deung, angchei i neng khala amtheaung hai nai tleaung y, pa-nyh i neng khala amtheaung hai keh. Joba ly beram 14,000, kula-iu 6,000, si paino 2,000, keaungngo kano kasau 1,000 rei nang nai ne.

SAM 107:31

Nichi ly Areng i khaw parai nai tamen nai saho y py, mychi i vui sa pi nai lyh ai awm nairachi saho y py, kawn naimy palo u ai.

SAM 107:38

Mymy ly mymy i khumichi ai amtheaung naira pei nai deaungkho y, nichi ly cho chanauchi neangneang nga u; mymy ly nichi i si kanghuchi ai py, peung ai nai kry pi bo.

SAM 128:3

Yhm angtheung y nang i aju ly athai pasu nai kreip keung kamta py, sabawi kamki ateh nai nang i cho chanauchi ly ui yb nai olive keung-lochi kamta py lawn u ai.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

Levi 26:9

Kai ly nangchi ai amtheaung hai nai deaungkho y, nangchi ly cho deaungdi neangneang sa u ai. Nangchi hawi asa nai Leu Maikawm ai khaw hai ai.