ATITI AWM ANGCHEI NAI 1:2 - Khumi Common Language Bible

² khaileaung ly mo-cha amny y, keuru pui teu. Ati cheaungkhangchi ai um nai suida pangli tui kamsau ai ly kaveng my khiu cheng na. Tameuh i Phailo ly tuisang salo y aho.

ATITI AWM ANGCHEI NAI 1:2 ပူးပေါင်းရင်းမြစ်များ

JOBA 26:14

Na i py hini leaungsaichi ly Tameuh i sa thai naira i, maidenreichy teu rai. Huni sa thai naira i satang ly khumichi i leu kamsyh y katheu nai ryrei khyh nai ne. Tameuh ly sa thai naira awm tatang, nanai ami pany khyp pajau ai mo?

JOBA 26:7

Tameuh ly tosyh mang y awm nai kani khusang kadai iy, khaileaung ai ly khusang deaungdura y banghau nai ne.

JOBA 38:9

Pangli ai khupanymchi hawi khiu iy, kaveng hawi bam nai keung ly kai ne.

JOBA 41:32

Ni ly my i tako nai lam ai tlisyh nanai lam lawm hai i, panglira y tuiphawn kangleungchi kaleung pun hai na bo.

SAM 104:30

Na i py nang ly nichi ai taho hai nai khala y, nichi ly sa palai teang naira nga bo; nang ly khaileaung pri ai kangtha lawm hai teang nai ne.

SAM 104:6

Naibaly huni khaileaung ai suida pangli hawi kanih kamta khiu bo; tui py mawichi ai um nai ne.

SAM 136:6

Mymy ly suida pangli saleung y khaileaung sa; mymy i tamen nai ly deungtasarei ne.

SAM 148:7

Pavui nakachi hawi, pangli thiu parai naira y awm nai bawibawichi awi, amlosadichi hawi ji akawichi awi,

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

LEU KACHENG 8:24

Tavo micheaungchi by y rai khala, panglichi so y rai khala, kai ai tapen.

ISAIA 31:5

Tavo ly my i tabu salo mang akheang taki naimy cho ai kry nai kamta, ati cheaungkhang sa thai nai keung Areng ly Jerusalem mary ai ama hai iy, paleung ka-echi ai tiu ai,” nanai kai ai leu pei nai ne.

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

JEREMIA 4:23

Kai ly khaileaung y khen nai khala, huni ly mo cha by y. Kani khusang ai khen nai khala py, kangvang niu y.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

Leu Thui Nai 32:11

Ahmtlau ly chochi ai akheang nai patiu pi nai khala, mymy i pakhichi kadai iy dawmkhawn pi nai kamta, Areng y Israela chengchi ai pahawi nai ne.