ATITI AWM ANGCHEI NAI 1:1 - Khumi Common Language Bible

¹ Tameuh my angchei y khusangdeaungdu ai sa nai khala,

ATITI AWM ANGCHEI NAI 1:1 ပူးပေါင်းရင်းမြစ်များ

2 ARENG KEH 19:15

Naibaly hina nai chiu sa, “Tahm asang parai nai Areng atehra salo y ateh nai Israela chengchi i Areng Tameuh awi, nang leaungrei naini khaileaung pri verei y peang nai Tameuh ne. Nang ly kani hawi khaileaung sa nai keung ne.

1 NENG SATANG 16:26

Khumi takhrachi i tameuhchi ly mynchi ne; na i py Areng ly kani khusang ai sa nai keung ne.

2 NENG SATANG 2:11

Turu samrang Hiram ly Solomon teng y cha pathang pi. Huni cha theung y ly “Areng ly mymy i khumichi ai tamen nai deaungkho y, nang ai nichi i samrang lawm ai nai ang vawi takhra nai ne.

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

JOBA 26:13

Mymy ly my i taho nai ali hawi kani khusang chai hai iy, preang veng nai pangli naka ai, mymy i kiu hawi padei vui bo.

JOBA 38:4

Khaileaung ai kaimy palum angchei nai khala nang awm a? Nang ly khri pa-rei dawn pany thai lawh teu baly, kai ai thui pi cham.

JOBA 9:8

Kani khusang kadai iy, pangli naka i anam keungleung y chiu nai khala, Tameuh ly ami i kasabawmra py aly ngai y.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 104:30

Na i py nang ly nichi ai taho hai nai khala y, nichi ly sa palai teang naira nga bo; nang ly khaileaung pri ai kangtha lawm hai teang nai ne.

SAM 115:15

Kani hawi khaileaung sa nai keung Areng ly nangchi ai amtheaung naira pei sy!

SAM 121:2

Kai ai sabawm ai nai ly kani hawi khaileaung ai sa nai keung Areng teng i dengdairei nga ai.

SAM 124:8

Achi ai sabawm naira ly kani hawi khaileaung ai sa nai keung Areng teng i nga u nai ne.

SAM 134:3

Kani hawi khaileaung sa nai keung Areng ly Zion mawi salo dengdairei, nangchi ai amtheaung naira pei sy!

SAM 136:5

Mymy ly cheng naira hawimy kani khusang ai sa; mymy i tamen nai ly deungtasarei ne.

SAM 146:6

Mymy ly kani, khaileaung, pangli hawi vanrei, hunichi bawibawi ai sa nai ne. Mymy i ka-ym awm nai ai ly kry jojo.

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

SAM 33:9

Mymy leu pei nai khala y khaileaung pri lawm bo. Mymy leu pei nai khala y ati cheaungkhangchi ly amteng nai ne.

SAM 8:3

Mymy i sa nai kani khusang ai py, sa yb nai lo hawi ka-si taukichi ai py kai ly kaniu nai ne.

SAM 8:4

Huna nai y khumi ly ati mana nai lawm iy, nang ly ni ai pany pi jo nai mo? Khumi ly ati mana nai lawm iy, nang ly ni ai kry pi lawh mo?

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 96:5

Takhra khumi bawibawichi i tameuhchi ly mynchi teu; na i py Areng ly kani khusang sa nai keung ne.

THEU NAI 20:11

Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.

THEU NAI 31:18

Tameuh ly Sinai mawi salo y Mosi teng y, leu pei chum nai khala, Tameuh mymy kypkyp my lengseaung phei nyhrei tleaung y reita leuchi tajiu pi iy, Mosi teng y pei pi nai ne.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

LEU KACHENG 3:19

Areng ly mymy i cheng naira hawi khaileaung ai sa; mymy i pany naira hawi kani khusang ai khaw hai.

Parip nai leu 12:1

Hunaibaly nangchi ly paleung phra nai neng kani tym nai khala y, “Kaichi amo theu naimy awm pajau y leang bo,” nanai thui u ai. Huni neng tym y rai nai saneng nau nai thym khala, amychi ai sa nai keung ai pany u jo ba.

ISAIA 37:16

“Kheruben salo y ateh nai kani pri tavai luchi i Areng, Israela chengchi i ati cheaungkhang sa thai nai Areng Tameuh, nangmy leaungrei naini khaileaung pri verei ai peang nai Tameuh ne. Nang ly kani hawi khaileaung sa nai keung ne.

ISAIA 40:21

Hini khaileaung pri ly mana lawm mo, nanai nangchi thai vai y a? Jangni khala i ka-so thui pi nai keung by y nai sai a? Nangchi thai vai y, pany vai y nai sai a?

ISAIA 40:26

Kani mang y khen angdeang u! Nangchi niu nai ka-sichi ai ami my sa nai mo? Hunichi ai tavaimichi kamta pahawi nai keung ne. Mymy ly ka-sichi ai kati chum baly amyn pathi iy palau na a! Mymy ly sa thai naira len parai nai deaungkho y, huni ka-sichi ly ha harei py tama, nanai by y.

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 51:16

Kai ly kani khusang ai khiutapai iy, khaileaung y langdeng pala nai ne. Jerusalem mary i khumichi teng y, ‘Nangchi ly kai i khumichi ne na a! Kai ly kaimy i reita nangchi teng y kang pei iy, kiu hawi nangchi ai ama hai bo,’ nanai kang thui pi,” napi.

ISAIA 65:17

Areng my, “Khaileaung kangtha hawi kani kangtha sa ai. Jangni khala i atiti awm naichi ly tama pawn veng ai.

JEREMIA 10:12

Areng ly sa thai nai haiho hawi khaileaung lawm hai bo. Cheng naira hawi khaileaung pri sa iy, Tau cheng naira hawi kani khusang ai kadai pha bo.

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

JEREMIA 51:15

Areng ly mymy i sa thai naira hawi khaileaung ai sa; mymy ly cheng naira hawi khaileaung pri ai sa chum baly tau kacheng hawi kani khusang ai kadai pha bo.

ZEKHARIAH 12:1

Hini leu pei nai ly Israela chengchi i vui Areng teng i tym nai leu ne. kani khusang ai khiu iy khaileaung ai sa chum baly, khumi angsochi ai hengra pei nai keung Areng my leu pei nai ly

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MARKA 13:19

Huni kani ly patang nai kani ne ai, hunai kamta tanrei nai ly Tameuh my khaileaung palum angchei kha i dengdairei vai khrairei tlen py awm vai y rai, mana khala y py awm ali bi y leang bo.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

AMTAW 17:24

Khaileaung pri hawi, huni theung y ati cheaungkhang bawibawi sa nai Tameuh ly kani khaileaung Areng ne nai deaungkho y khumichi i kiu y sa pi nai yhm y ly awm y leang;

AMTAW 4:24

Hunaibaly tangai naichi ly vanrei my Tameuh teng y, “Aw Areng, nang ly kani khaileaung hawi, pangli hawi, nichi theung y awm nai bawibawichi ai sa nai keung ne.

ROM AVANGCHI TENG Y PAWLA I CHA PA NAI 11:36

Mymy teng i dengdairei hawi, mymy deaungkho y hawi, mymy i vui py atiti bawibawi awm nai ne. Mymy teng y ly deungtasa khrairei palo naira awm jojo sy. Amen.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

EPHESI 3:9

nanai khumi bawibawichi ai patei ai nai kai, khumi kachai bawibawichi theung y theang keh nai tleaung y theang keh nai teng y ly huni pahenra ly ang pei nai ne.

HEBRAI 1:10

Naibaly “Areng awi, nang ly angchei khala y ly khaileaung palum bo, Kani py nang i kiu y sa nai ne;

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

HEBRAI 11:3

Tameuh my leu pei nai deaungkho y kani khaileaung sa pyn nai bo, nanai achi ly ym naira deaungkho y pany: hunaibaly atiti niu naichi ai ly atiti awm naichi ai teaung nai deaungkho y sa nai ny y.

HEBRAI 3:4

Dengtheung tleirei y amimi mo ly lu y awm bawibawi veng; cheaungkhang i lu naini Tameuh ne.

II PETERA 3:5

Tameuh i leu deaungkho y jangni y kani awm iy, khaileaung py tui theung i nai hawi tui teaung nai deaungkho y sa nai py awm;

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

AMTENG HAI NAI 10:6

“Ajeng veangveang bi ai nai ly by y leang bo:na i py kani pri i amtaw thau nai saryh i nai eng ai nai neng thym khala y ly Tameuh i leu kathiu, mymy i miseaung amochi teng y satang kahawi thui pi nai kamta angym ai bo,” nanai,

AMTENG HAI NAI 14:7

naibaly mymy ly tao pajeng parai naimy, “Tameuh ai tahm khai ly, mymy ai palo u:ati mana nai mo nabaly mymy i tara chih nai neng tym bo: kani khaileaung hawi pangli hawi, tuinochi py sa nai keung ai ly chiu u,” napi.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:13

Alpha hawi Omeka, kangman keh nai hawi kangkhym keh nai, pekeung hawi katem kai ne.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he:

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.