AMTAW 9:39 - Khumi Common Language Bible

³⁹ Naibaly Petera ly angthau i myni teng y chei teang bo. Naibaly tym bo nabaly ni ai salo i sambeu y chei hai; naibaly neampachy lumai bawibawichi ly mymy i ahawi y angdo iy Dorka mymychi teng y awm nai khala y baichu sa naichi, kanih sa naichi patei nai tarawi y vo u lengleang.

AMTAW 9:39 ပူးပေါင်းရင်းမြစ်များ

2 SAMUELA 1:24

“Israela neampachychi awi, Sawla i vui vo tangam u! Ni ly nangchi ai tahm awm nai ateaung hawi amthyp hai iy, vang kateng lengseaung, muku ateaungchi hawi ateaung hai bo.

LEU KACHENG 10:7

Khumi kahawichi ai pany jo nai ly amtheaung naira harei ne; na i py khumi hawi y naichi ai ly kra y naimy tami veng ryp ai.

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

MATTHAI 17:17

Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MATTHAI 26:11

Khumi kamawnchi ly nangchi teng y awm jo chy bo, kai naini nangchi teng y kang awm jojo ai nai ny y leang.

MARKA 14:8

Mymy ly ni i pajau nai ryrei sa nai teu; kai i tlang up ai nai rimui kaleu rym nai na a hi ly.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 12:8

Khumi kamawnchi ly nangchi teng y awm jo chy bo, kai naini nangchi teng y kang awm jojo ai nai ny y leang,” napi.

JOHAN 17:12

Kai ly nichi teng y awm nai sala ryrei ly nangmy kai teng y au naichi ai ly nangmy i amyn y kaimy kry bo: nichi ai kaimy typ i, tama nai chapo ny y baly nichi theung y leaungrei py tamo y; huni py Tameuh i cha-iu leu sai tym thai ai nai ne.

AMTAW 1:13

Naibaly tym u i mymychi i awm naira salo i sambeu y lyn kalau bo; Petera py Johan py Jakob py Andria py, Philipa py Thoma py, Bartholomai py Matthai py, Alphai i chap Jakob py, Zelota kamkawmchi i khumi Simon py, Jakob i chapo Juda py.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

AMTAW 6:1

Naibaly huni neng y abangnaichi peung dudu nai khala ly, kani tleirei atiti amji naira y mymychi i neampachy lumaichi ai dawn hai y lawh nai deaungkho y Krik pri i Judachi ly Hebraichi i tlang tleaung y josei u bo.

AMTAW 8:2

Naibaly Tameuh ai dawn parai nai amichi my mo Stephana ai ly up u i, khrikhri pa-rei vo hai.

AMTAW 9:41

Naibaly Petera my kiu thawi pi i ni ai pathau bo; hunaibaly khumi kachaichi hawi, neampachy lumaichi ai palau iy heng teang nai patei bo.

II KORINTH 8:12

Tau rym naira awm baly ami py by y pui nai ny y naimy, mymy i awm nai kamta kawn ai ataing nai ne.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 4:13

Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

I TIMOTHEI 5:3

Neampachy lumai cheaungtichi ai palo.

I TIMOTHEI 5:5

Naibaly neampachy lumai cheaungti mymy tlairei chy awm khyh nai ly Tameuh ai khri pa-rei athang khai i, vum kanithun hnei iy, chiu py sa jojo ;

I JOHAN 3:18

Bechi awi, labeaung palai y khyh ny y naimy, atiti sa naira y hawi meitang khyp naira y py tamen u sina.