AMTAW 9:22 - Khumi Common Language Bible

²² Na i py Sawla my ly ham ra nai, huni ly Krista ne khypkhyp, nanai thui pi pachai ra veng i, Damaska avang y awm nai Judachi ai ly tlau thai y pa-rei my pathang.

AMTAW 9:22 ပူးပေါင်းရင်းမြစ်များ

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

SAM 51:13

Huna nai khala y kai ly kamngo sa tamang nai khumichi ai nang i leu pei naichi patiu pi ai; nichi py nang teng y jeu u ali teang ai.

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

ISAIA 40:29

Mymy ly paha nai, akawm nai khumichi ai atho pei nai ne.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

AMTAW 17:3

Krista ly ngari patang ai nai hawi, kadeichi theung i dengdairei angthau bi ai nai angchi yb nai saichi py chai pyn pa-rei thui pi pachai i, “Hini Isu, mymy i leu kang thui pi nai ly, mymy ly Krista ne,” napi.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

AMTAW 9:20

Naibaly mymy ly Damaska avang i awm nai abangnaichi teng y ly kani majirei mo awm, naibaly achura yhm y Isu ly Tameuh i Chapo ne, nanai thui pi praw.

AMTAW 9:21

Naibaly mymy i leu thai nai ngiereichi my ly rengrang tlai ly napi i, “Hini khumi ly Jerusalem avang i hini amyn y ym naichi ai ana reng nai ny y lawh a? Hini khumi ly nichi ai kawm iy pathyp pi nai keung kalenchi teng y hawi ai nai hi y ang jeu khyp nai na a,” napi.

AMTAW 9:23

Naibaly kani kra parai nai bo y ly Judachi my Sawla ai padei ai tau nai arum u; na i py mymy ly nichi my bawm ai tau nai ly pany bo.

AMTAW 9:27

Na i py Barnaba my ly ni ai hawi i, amtaw thau naichi teng y chei hai iy, ni ly lam y Areng ai niu nai hawi arum nai sai py, Damaska avang y Isu i amyn y vam parai pa-rei leu thui pi nai sai py mymychi teng y thui pi bo.

I KORINTH 1:27

Na i py Tameuh my khumi kachengchi ai ly tapheaung thai ai nai, khaileaung pri i atiti cheng y naichi ai vawi lawh veng; naibaly Tameuh my atiti ham naichi ai tapheaung thai ai nai, khaileaung pri i atiti ham y naichi ai vawi lawh veng;

KALATIA 1:18

Naibaly saneng thomrei bo y ly Kipha ai de ai nai Jerusalem avang y kachei i, mymy teng y kani holai pangrei kaawm.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

I TIMOTHEI 1:12

Kai ai ham hai nai keung Krista Isu, achi i Areng teng y ly kawn nai leu kathui pi;