AMTAW 9:17 - Khumi Common Language Bible

¹⁷ Naibaly Anania ly chei i yhm y kun, naibaly mymy i tlang tleaung y kiu tamam iy, “Be Sawla, nang i mei angvang ai nai hawi, nang ly Phailo Kachai kawi naimy awm thai ai nai py Areng, nang i tako nai lam y nang teng y amteng nai Isu my kai ai ang pato nai he,” napi.

AMTAW 9:17 ပူးပေါင်းရင်းမြစ်များ

ATITI AWM ANGCHEI NAI 45:4

Naibaly Josepha my nichi teng y, “Kai teng y athui u,” napi. Nichi athui u i Josepha my, “Kai ly nangchi my Aikupta pri y jo vui nai nangchi i amnau Josepha ne.

MATTHAI 19:13

Hunai thym khala y ly nichi i tlang tleaung y mymy i kiu tamam iy, chiu sa pi ai nai mymy teng y deaungdi chychi ai hawi u bo; naibaly abangnaichi my ly nichi ai jo.

MARKA 5:23

“Kai i chaniu chy ly dei vi dei vi i, amcheng iy heng thai ai nai nang ly jeu iy ni i tlang tleaung y kiu tamam kyh,” nanai khri pa-rei takeng.

MARKA 6:5

Naibaly mymy ly no nai khumi maidenreichy naichi i tlang tleaung y kiu tamam iy hawi sa pi nai harei ny y baly, hu y ly atiti rengrang pipi so thai y bo.

LUKA 1:41

Naibaly hina nai ne, Elizabet my Mari i kawn nai leu thai baly my i taku theung i deaungdicho ly angto; naibaly Elizabet ly Phailo Kachi my kawi iy, tao pajeng parai naimy aeu i,

LUKA 1:67

Naibaly mymy i ampo Zakaria ly Philo Kachai my kawi i,

LUKA 1:76

Ne deang awi, nang ai ly salo Kangteng i amo ang napi ai mang;

LUKA 15:30

na i py hini, nang i chapo, bimachi teng y nang i yhmtheaung cha krai nai keung vawi baly, mymy i vui si cho veung hawi keh nai tleh hai lawh ly,’ nanai pathang.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

LUKA 2:11

Vaini ly nangchi i vui Davida i avang y Paheng Keung tapen bo, Areng Krista ly.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 13:3

Hunaibaly nichi ly biu hai nai hawi chiu sa nai hawi nini i tlang tleaung y kiu tamam nai bo y ly nini ai tako hai bo.

AMTAW 13:52

Naibaly abangnaichi ly kawn nai hawi Phailo Kachai my kawi bo.

AMTAW 19:6

Naibaly Pawla my mymychi i tlang tleaung y kiu tamam i, Phailo Kachai ly mymychi i tlang tleaung y tym ryp bo; hunaibaly nichi ly leu athai y naimy leu thui iy, Tameh i leu py thui bo.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

AMTAW 21:20

Naibaly amjo amnauchi ly huni leu thai baly Tameuh ai palo, naibaly nichi ly ni teng y, “Be awi, Judachi theung y ym naichi i khri pa-rei nawi nai sai ly nang niu i, nichi bawibawi ly Reita y hawihai palai dawn;

AMTAW 26:15

Naibaly kaimy, ‘Areng, nang ly ami mo?’ kanapi. Naibaly Areng my ly, ‘Kai ly Isu, nang i ana nai he;

AMTAW 4:31

Naibaly nichi chiu sa pajau iy, mymychi i awm achu naira ahyn bo; naibaly nichi bawibawi ly Phailo Kachai my kawi i vam parai pa-rei Tameuh i leu thui pi.

AMTAW 6:6

nichi ly chiu sa i mymychi i tlang tleaung y kiu tamam.

AMTAW 8:17

Naibaly nini my mymychi i tlang tleaung y kiu tamam i, nichi ly Phailo kachai nga u bo.

AMTAW 9:18

Naibaly tlenrei khyh my mymy i mei i dengdairei ali ka-tawm tla praw i, mymy i mei ly angvang teang bo; naibaly mymy ly angthau iy baptisma nga bo.

ROM AVANGCHI TENG Y PAWLA I CHA PA NAI 15:7

Hunai deaungkho y Krista ly Tameuh ai palo ai nai nangchi ai ang kawn nai kamta ly akawn u leungtang.

I KORINTH 15:47

Angchei i khumi ly khaileaung i khumi ne, khaileaung hawi sa nai ne; pa-nyh i khumi ly kani mang i ne.

I KORINTH 15:8

naibaly kangkhym kangtem y kai ai ly neng y nai khala y ang tapen nai kamta kaimy teng y py amteng bo.

I KORINTH 9:1

Kai ly alaw nai ny y lawh a? Kai ly amtaw thau nai ny y lawh a? Kai ly Isu, achi i Areng ai niu y lawh a? Nangchi ly Areng y kai i sa nai ny y lawh a?

I TIMOTHEI 4:14

Naibaly miteaung kehchi ly nangmy i tlang tleaung y kiu tamam iy, leu thui u rym nai deaungkho y nang i paleung theung y Phailo i sa thai naira ang nga hai nai ly patlaw jo moh.

I TIMOTHEI 5:22

Ami i tlang tleaung y kiu tamam praw moh ly, khumi takhrachi i kamngo naira y py abawi moh; chai parai naimy awm thai ai nai hawihai palai atyp ly.

II TIMOTHEI 1:6

Hunaibaly kai ly kiu tamam nai deaungkho y Tameuh teng i phailo mang i sa thai naira nang nga chum nai ai ly hm iy angveaung hai ai nai kang pany hai nai ne.

PHILEMON 1:16

miseaung kamta ny y naimy, miseaung tleaung y hawi nai, amjo amnau ngai parai nai kamta, kai i vui ne khyp, nang i vui ipsaly tlang y hawi Areng y ly ne nai tleaung y ne kehkeh.

HEBRAI 6:2

Krista i satang pakeung sangumchi thui pi ali y i, khumi ka-cheng lawn ai nai atho so u veangveang sina.

II PETERA 3:15

Naibaly achi i Areng i kham pajau nai sai ly paheng naira y palawn u; achi i amjo amnau ngai parai nai Pawla py ni teng y cheng naira pei nai kamta ly nangchi teng y tajiu teang bo;