AMTAW 9:11 - Khumi Common Language Bible

¹¹ Naibaly mymy ly, “Khen cham Areng, kai hi y awm he,’ napi. Naibaly Areng my ly, mymy teng y, “Angthau ly, Lam Kataw napi naira y tako ly, Juda i yhm y Tarsa i khumi, amyn Sawla napi nai ai deng;

AMTAW 9:11 ပူးပေါင်းရင်းမြစ်များ

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

AMTAW 11:13

naibaly ni my ly kaichi teng y mymy i yhm y kani pri i amtaw thau nai angdo nai ai niu nai sai hawi, kani pri i amtaw thau nai ly mymy teng y, ‘Joppa avang y khumi pato ly, Simon, amyn ka-reu Petera napi nai ai ly hawi ba; ni my ly leu ang thui pi ai i,

AMTAW 11:25

Naibaly Barnaba ly Sawla ai hau ai nai Tarsa avang y chei i, mymy ai niu baly Antiokei avang y hawi bo.

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

AMTAW 21:39

Na i py Pawla my ly, “Kai ly Juda, Kiliki pri i Tarsa avang i khumi ne, avang ka-teng ny y naira y awm nai; kai ai pahen ly, khumi bawibawichi teng y kai ai leu thui ai nai pei kyh,” napi.

AMTAW 22:3

naibaly mymy ly, “Kai ly Juda khumi ne, Kilki pri i Tarsa avang y tapen nai, na i py hini avang achi i amsi sangumchi i Reita kamta kypkyp Kamaliela i kheu keung y amtiu naira y tleaungri ka-veang nai ne, vaini ly nangmychi bawibawi ka-tawm khyp naimy Tameuh i vui y kadawn pathyp nai ne:

AMTAW 8:22

Hunai deaungkho y nang i kamngo uikhei ly,. Areng teng y chiu so, hunaibaly nang i paleung y nang i dawn nai ly ang pahen pi lym ai mang.

AMTAW 8:26

Naibaly Areng i kani pri i amtaw thau nai leaungrei my Philipa teng y, “Angthau ly, tokalawi mang, Jerusalem dengdairei Kaza avang y theu nai lam y tako ba; huni ly daichi ka-vym ne,” napi.

AMTAW 9:30

Naibaly amjo amnauchi my ly huna nai pany i mymy ai Kaisari avang y hawi u kathiu iy, Tarsa avang y pato vui.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.