AMTAW 8:32 - Khumi Common Language Bible

³² Naibaly mymy i Tameuh cha-iu phain nai ly hini ra y ne, “Beram tleh ai nai kamta ni ai ly mymychi my pahawi; Beram mui vau nai keung i mo y beram cho hang y nai kamta ly, Ni py leu katheu y.

AMTAW 8:32 ပူးပေါင်းရင်းမြစ်များ

SAM 39:2

Kai ly leu sairei py katheu y naimy kaawm pypy bo; leu kahawi malawn py katheu y nai ne. Na i py kai i no patang nai ly ty tleaung tyra lawh.

SAM 39:9

Nang ly kai i tlang tleaung y hina nai no patang hai nai deaungkho y, kai ly kaawm pypy ai; leu sairei py katheu y leang bo.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

JEREMIA 12:3

Na i py aw Areng, nang ly kai i satang pany; kai i sa nai saichi py niu, nang ai mana tanrei kang tamen mo, nanai py nang pany. Huna nai hawi y nai khumichi ai tleh ai nai beramchi kamta, patheu jo bo. Padei nai neng tym y ryrei ly nichi ai khen patawm bo.

JEREMIA 51:40

Kai ly nichi ai beram chochi kamta py, mi-i kataichi, beram kataichi kamta py tleh ai nai kapahawi ai. Hini ly kai Areng i thui nai leu ne,” napi.

LUKA 23:34

Naibaly Isu ly, “Ngaai nichi ai ly pahen ba, nichi i atiti sa nai ly pany y nai teu,” napi. Naibaly ni i ateaungchi ly amji ai nai tambe va.

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

AMTAW 8:31

Naibaly ni my ly, “Ami py kai ai thui pi pachai y baly mana pany thai ai mo? napi. Naibaly mymy teng y ateh ai nai Philipa ai chi bo.

ROM AVANGCHI TENG Y PAWLA I CHA PA NAI 8:36

“Nangmy deaungkho kaichi ai ly kani khengrei ang padei, Kaichi ai ly beram tleh ai naichi kamta ang dawn nai ne,” nanai tajiu nai kamta.

I KORINTH 15:3

Angchei i kai i kanga nai py kang thui pi pateang nai bo, huna nai Krista ly Tameuh i cha-iu leu kamta my achi i kamngo nai deaungkho y dei i up bo;

I PETERA 1:19

beram cho meimai cheh ai by y nai hawi anyng akau y nai kamta, Krista i thi vang teng parai nai hawi nangchi ai atleu nai ne, nanai ly pany u.