AMTAW 8:27 - Khumi Common Language Bible

²⁷ Hunaibaly ni ly angthau i tako bo. Naibaly khen cham, Ethiopia pri i khumi leaungrei Ethiopia samrang nu Kandak i anui i tli chum nai khumi, areng tahm asang parai nai, ni i yhmtheaung bawibawi kry nai keung ly Jerusalem y Tameuh ai chiu ai nai chei bo;

AMTAW 8:27 ပူးပေါင်းရင်းမြစ်များ

1 ARENG KEH 10:1

Sheba pri i samrangnu ly Solomon i amyn amthang nai sai thai i, rai parai nai leuchi hawi samrang ai cham ai nai Jerusalem mary y jeu bo.

SAM 68:29

Jerusalem mary Achura yhm i nai, kaichi i vui teaung ai nai sa thai naira patei pi kyh ba.

SAM 68:31

Aikupta pri i savaichi ly nang teng y ang jeu u ai; Ethiopia pri khumichi ly kiu pheu iy, Tameuh teng y chiu sa hnei takeng u ai.

SAM 87:4

Mymy i leu pei nai ly “Kai i leu tangai nai prichi amyn la nai khala, Aikupta pri hawi Babulon pri tabawi ai; Philistin pri, Turu pri hawi Ethiopia pri i khumichi py, Jerusalem mary i khumichi amyn la naira y tabawi ai.

ISAIA 18:7

Tavochi kangpreira y awm nai huni pri i dengdairei py, kho-ban atho len nai huni khumi chengchi teng i dengdairei py, mo-cha hawi jeng asang nai huni pri khumichi teng i dengdairei py, khaileaung pri vereichi my jei hyn nai khumi teng i dengdairei py, kapathyprachi ai, ati cheaungkhang sa thai nai keung Areng my kawn pi nai neng kani tym ai. Huni khumichi ly ati cheaungkhang sa thai nai keung Areng ai chiu ai nai Zion mawi y jeu u ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

ISAIA 66:19

pri kamlochi, napi nai Tashu pri, Libia pri hawi thailiho kawp keh nai khumichi awm nai Luda pri y py, Tubal pri hawi Krik pri y py, kaimy pato ai. Nichi ly huni pri i khumichi teng y, kai i sa thai naira nang parai nai satang thui ai.

JEREMIA 13:23

Tlang panum nai khumi ly my i ngan tlang areaung takhra hai tha na a? Ti y baly takaikheng ly my i an mawichi tamo hai thai na a? Nichi ly huna nai sa thai lawh teu baly, hawi y naira naini sa thai khyh nai nangchi py, hawi naira mang y amtlau ai nai sa thai ngau lym ai.

JEREMIA 38:7

Naibaly samrang yhm y kalop sa nai Ethiopia cheng tlip chum nai Ebadameleh ly hina nai kamta huni khumichi my tuikan theung y pala jo bo, nanai thai u. Huni neng khala y samrang ly Benjamin katheu pa-kho sahawi y, leu ka-rum pui sa u bo.

JEREMIA 39:16

Mymy ly “Nang ly Ethiopia cheng Ebedmeleh teng y, Israela chengchi i Tameuh, ati cheaungkhang sa thai nai keung Areng my, kai ly vaichi khala y thui pi yb nai kamta, hini mary phra seaungkhrang hai ai. Hini mary ai nang chawn hai ai ny y. Neng tym nai khala y hini atitichi tym nai niu ai nai nang ly huni mary y awm ai.

ZEPHANIAH 3:10

Ahei dan nai kai i khumichi ly palo parai nai Ethiopia pri dengdairei malawn py, kai teng y katalamrachi ang syn u ai.

MATTHAI 12:42

Tokalawi mang i samrang nu ly tara chih nai neng khala y ly vai deung i kangthauchi hawi vanrei angthau ai i, nichi ai sum hai ai; ati mana nai mo nabaly mymy ly Solomon i cheng naira tangai ai nai malawn py khuteng taki i dengdairei jeu be; naibaly khen cham, Solomon tleaung y len keh nai ly hi y awm na a.

JOHAN 12:20

Naibaly pawira y Tameuh ai chiu ai nai chei naichi theung y Krikchi amichi mo awm;

AMTAW 8:28

naibaly mymy ly vawi mang y ly ka-ri tleaung y atang nai tarawi y amo Isaia i cha-iu phain prei prei.

Leu Thui Nai 30:13

Nangchi my, ‘Kaichi ly reita patawm ai nai ami nai pangli suida vai angpeang iy kaichi teng y ang tym hai ai mo?,’ nanai deng ai nai pa-rei, huni reita leu ly pangli suida vai mang y awm nai ny y leang.

HEBRAI 11:8

Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.