AMTAW 8:10 - Khumi Common Language Bible

¹⁰ naibaly khumi bawibawichi ly katheang keh nai dengdairei len keh nai khrairei my, “Hini khumi ly Tameuh i atiti sa thai naira Kalen napi nai ly, hini ne bo he,’. nanai ni i leu tangai pi bawibawi veng.

AMTAW 8:10 ပူးပေါင်းရင်းမြစ်များ

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 42:1

Naibaly Kareah i chapo Johanan hawi Heshaiah i chapo Azariahchi raurei, tavailu areng bawibawichi ly khumi amjy cheaungkhangchi hawi vanrei tym u iy,

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

JONA 3:5

Ninevi mary i khumichi ly Tameuh i leu pei nai ym u bo. Hunai deaungkho y uikheih nai ka-ma-ra hawi, kamawn, areng takhawi y naimy biu hai iy paisiu amchiu u ai nai leu pacheang u.

AMTAW 14:11

Naibaly khumi mipuichi ly Pawla i atiti sa nai niu khala y ly Lukaonia leu y athorei my, “Tameuhchi ly khumi kamta achi teng y ang kathiu nai bo hi ly,” napi.

AMTAW 28:6

Naibaly nichi my ly bau na mo, nanai athang khai; naibaly kra parai pa-rei ajeng jo i, pipi no y leang, nanai pany baly, nichi i paleung ly mymy mang y dawn ali teang i, “Mani tameuh mo na a hi ly,” na u lawh.

I KORINTH 1:24

Cheng Takhrachi i vui ly pathu naira ne teang; na i py Judachi py ne sy, Krikchi py ne sy, palau naichi i vui ly Krista, Tameuh i atiti sa thai naira hawi Tameuh i cheng naira py ne.

II KORINTH 11:19

Nangchi ly khumi kacheng ne nai deaungkho y kamthuchi ai ly paleung hawi parai naimy kham pi reng.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

II PETERA 2:2

Naibaly khumi neangneangchi ly mymychi i paleaung naira mang i atitichi ly abang u teang ai i, mymychi deaungkho y lam teng parai nai ai ly thui tamawn nai lawn ai.

AMTENG HAI NAI 13:3

Naibaly ni i lu harei ly dei ai athang khai nanai tamo nga nai kamta kaniu: na i py huni dei ai athang khai nanai tamo ly tha bo: naibaly khaileaung pri i khumi bawibawichi ly mawi kasi ai rengrang tlai napi naimy ni teng y abang bo;