AMTAW 7:59 - Khumi Common Language Bible

⁵⁹ Hunaibaly Stephana ly, “Areng Isu awi, kai i phailo lo ba,” nanai palau nai thym khala y ly nichi ly lengseaung y aphi tliu siu na.

AMTAW 7:59 ပူးပေါင်းရင်းမြစ်များ

1 ARENG KEH 21:13

Khumi hawi y nai leaung nyhrei my py, Tameuh hawi samrang ai thui tamawn nai molam y, Naboth ai mipuichi mo y seu u. Naibaly khumichi ly ni ai mary angam mang y patheu iy, lengseaung hawi aphi u ka nai ne.

SAM 31:5

Kai ly kaimy ai nang i kiu y kang-au bo. Aw Areng, nang ly kai ai atleu ai; nang ly ka-ym awm nai Tameuh ne.

Parip nai leu 12:7

Hunaibaly achi i tlang ly khaileaung spryh mang y tym ali teang ai i, achi i hengra py, achi ai ang pei nai keung Tameuh teng y tym ali teang ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

LUKA 23:46

Naibaly Isu ly tao pajeng parai naimy aeu i, “Ngaai, nang i kiu y kai i phailo kang au ba,” napi. Naibaly huna nai thui pajau iy mymy i phailo patlaw bo.

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

AMTAW 22:16

Naibaly ati mana nai nang ly vai ajeng jo rai mo? Angthau ly, mymy i amyn palau nai tarawi y baptisma nga iy nang i kamngochi chai hai bei,’ ang napi.

AMTAW 9:14

naibaly hi y py nang i amyn palau nai ngiereichi ai ly kawm ai nai, pathyp pi nai keung kalenchi teng i dengdairei cha nga na a,” nanai pathang.

AMTAW 9:21

Naibaly mymy i leu thai nai ngiereichi my ly rengrang tlai ly napi i, “Hini khumi ly Jerusalem avang i hini amyn y ym naichi ai ana reng nai ny y lawh a? Hini khumi ly nichi ai kawm iy pathyp pi nai keung kalenchi teng y hawi ai nai hi y ang jeu khyp nai na a,” napi.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.