AMTAW 7:51 - Khumi Common Language Bible

⁵¹ “Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

AMTAW 7:51 ပူးပေါင်းရင်းမြစ်များ

2 ARENG KEH 17:14

Na i py nichi ly tangai pi y; mymychi i Areng Tameuh ai ym y nai amsi pajochi kamta, paleung kyh chawn u bo.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

NEHEMIA 9:16

Na i py kaichi i amsi pajochi ly amlyh am-e naimy paleung tang u iy leu pei nai tangai u y.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

SAM 75:5

Amlyh am-e u moh,” napi.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

THEU NAI 32:9

Areng my, “Hini khumichi ly khri pa-rei paleung tang, nanai kai pany.

THEU NAI 33:3

Nangchi ly cha nei avaw y iy pa-tiu khuta hawi nai pri kahawira kang tha ai. Na i py nangchi ly paleung tang nai khumichi ne nai y, lam sala y nangchi ai kang tamyh pawn lawh na i, kaimy kypkyp ly nangchi hawi vanrei chei y leang,” napi.

THEU NAI 33:5

Areng my Mosi dengdairei Israela chengchi teng y, “Nangchi ly paleung tang nai khumi ne; kai ly nangchi hawi kani tanareichy chei hai lawh baly, nangchi ai kang padei chauchau ai; vai ly nangchi i vang kateng ateaungchi aleng u; huna khala naini, kai ly nangchi ai mana kang sa hai ai mo, nanai dawn pi ai,” napi.

THEU NAI 34:9

“Aw Areng, nang ly kai ai paleung no baly, kaichi hawi vanrei chei ai nai kang takeng. Hini khumichi ly paleung tang nai cheng ne; na i py kaichi i sa tamang nai hawi kamngo naichi pahen pi kyh ly kaichi ai nang i khumichi ne, nanai palawn teang kyh ba,” napi.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

Ezekiela 2:4

Nichi ly paleung tang iy kai ai tahm khai u y; kai ati cheaungkhang sa thai nai Areng my ati thui pi nai mo, nanai nichi teng y amti pi ai nai nang ai, nichi theung y kang pato ai.

Ezekiela 44:7

Thau hawi thi ai, kai teng y talam nai thym khala, nichi ly lengkhym takip y nai cheng takhrachi hawi, kai i leu tangai y nai khumichi ai Achura yhm theung y kun ai nai pei iy, kai i Achura yhm chai hai y bo. Hunai deaungkho y kai i khumichi ly mymychi i sa nai amso ngai nai cheaungkhangchi hawimy, kai i Leu Maikawm ai taphra u nai ne.

Ezekiela 44:9

“Lengkhym takip y nai cheng takhra khumichi, kai i leu tangai y nai khumichi, Israela chengchi hawi vanrei awm nai cheng takhra khumichi ne lawh teu i py, kai i Achura yhm theung y kun ai nai nga u ai ny y, nanai sa thai naira angym nai kai, Areng my pei nai leu ne,” napi.

Levi 26:41

kai ly kado theu nai deaungkho y, mychi i paleung ka-echi pri mang y, pri kapala nai ne. Kangkhym y nichi i kangpreangchi ly paleung tang nai nau vui iy mymychi i kamngo hawi tiu nai molam y pajeng naira avum chum nai khala,

Kati Nai 27:14

ati mana nai mo na baly nangni leaung nyhrei ly Zin daichi ka-vym y kai i leu ai ei hawi nai deaungkho y ne. Meriba meingtym y khumi mipuichi my kai ai hawi y nai thui iy josei u nai khala, nangni ly nichi i mo y kai i sa thai naira ai tahm khai hawi y bo,” napi. (Meriba ly Zin daichi ka-vymra i Kadesa meingtym y awm nai tuino ai thui nai ne.)

AMTAW 6:10

Na i py ni i cheng naira hawi thui hai nai keung Pahilo ai ly ei pajau y.

AMTAW 7:27

Na i py ahawi i tlang tleaung y hawi y sa nai keung my ly Mosi ai nui vui iy, ‘Kaichi i tlang tleaung y nang ai krykeung hawi tara chih ai nai keung y ami my ang khai mo?

AMTAW 7:35

“Huni Mosi ai ly, Nang ai krykeung hawi tara chih ai nai keung y ami my ang khai mo? Na nai paka nai ly, lymlo kangpho y kani pri i amtaw thau nai ni teng y amteng nai my ly sabawm i, Tameuh my mymy kypkyp ai ly krykeung hawi lawi hai nai keung ne rau ai nai pato nai ne.

AMTAW 7:39

achi i amsi sangumchi ly mymy i leu tangai ai nai ngai y i, paka veng iy Aron teng y,

AMTAW 7:9

“Naibaly cheng holai nyhreichi i amsi sangumchi my Josepha ai ly keng i, Aikupta pri y jo vui; na i py Tameuh my mymy teng y awm hai i,

ROM AVANGCHI TENG Y PAWLA I CHA PA NAI 2:25

Nang ly Reita patawm nai keung ne baly, lengkhym takip nai ly chawn tatang nai bo; na i py nang ly Reita taphra nai keung ne lawh baly, nang i lengkhym takip nai ly lengkhym takip y nai kamta lawn bo.

EPHESI 4:30

Tameuh i Philo kachai ai ly paleung mawn hai u moh, mymy y ly nangchi ai atleu nai kani i vui ly ang pajawp hai typ bo.

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

Leu Thui Nai 31:27

Nichi ly paleung tang iy tiusi, nanai kai pany. Nichi ly kai dei y rai khala my Areng ai tiu u i, kai dei nai bo khala ipsaly, huni tleaung y tiu u ra ai.

Leu Thui Nai 9:13

Areng my kai ai ang thui pi bi nai ly “Hini khumichi ly paleung tang nai cheng ne.

Leu Thui Nai 9:6

Nangchi hawi ataing nai deaungkho y paitiu khuta hawi nai pri nangchi ai Areng my ang pei nai ny y, nanai pany u. Nangchi ly paleung tang nai cheng ne.

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

KOLOSA 2:11

Nangchi ly Krista i lengkhym takip pi naira y ly ngan i tlang lei be nai, kiu y lengkhym takip nai ny y naimy, mymy y ly lengkhym takip u nai ne chy bo;