AMTAW 7:5 - Khumi Common Language Bible

⁵ Naibaly mymy ly hi y ly ni ai ati sai py meingtym athun ai nai kheu chiu naira ka-lawn py pei y leang; na i py mymy ly chanau so y rai khala y my mymy hawi, mymy bo i kangpreangchi i vui khrairei amtym ai nai pei ai nai adeu.

AMTAW 7:5 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 13:15

Nang i niu nai meingtym bawibawi ly nang hawi nang i kangpreangchi i vui deungtasarei amtym u ai nai kai my kang pei ai.

ATITI AWM ANGCHEI NAI 15:18

Huni neng huni meingtym y Areng ly Abram hawi Leu Maikawm asa bo. Mymy ly Abram teng y, “Nang i kangpreangchi teng y, Aikupta pri khujyh dengdairei Euphrat tavo tym pa-rei,

ATITI AWM ANGCHEI NAI 16:2

Sarai ly Abram teng y, “Areng my kai ai cho chanau ngo hai y nai bo. Kai deaungdi ngo teu lawh na moh; nang ly ati mana nai y kai i miseaung nu teng i y nai mo?” napi. Naibaly aju Sarai i thui nai leu y Abram ly tangai.

ATITI AWM ANGCHEI NAI 17:8

Vai, nang ly angvyn kamta awm nai hini pri bawibawichi ai nang hawi nang i kangpreangchi teng y kaimy pei ai. Kanan pri verei ly nang i kangpreangchi i vui deungtasarei pri lawm ai; kai py nichi i Tameuh lawm ai,” napi.

ATITI AWM ANGCHEI NAI 23:4

“Kai ly nangchi theung y angvyn kamta ne; kai i aju veu up ai nai khaileaung meingtym jo pi kyh,” napi.

ATITI AWM ANGCHEI NAI 26:3

Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai.

NEHEMIA 9:8

Nang i tlang tleaung y ka-ym awm nai khumi, nanai niu nai deaungkho y, nang ly ni hawi Leu Maikawm asa bo. Ni i katu chanauchi awm ai nai i vui y, ni teng y Kanan pri, Hiti pri, Amori pri, Perizi pri, Jebusi pri hawi Kirakashi prichi pei ai nai adeu bo. Nang ly ka-ym awm nai keung ne nai deaungkho y, adeu nai leu khaw hai ai.

Ezekiela 33:24

Mymy ly “Nang khumicho awi, Israela pri i phra seaungkhrang nai marychira y awm nai khumichi my, ‘Abraham ly khumi leaungrei ne teu i py, hini pri verei y amtym nai ne. Vai, achi ly vuikanai nawi naichi ne iy hini pri y achi amtym ai nai nga bo,’ nanai thui u.

Leu Thui Nai 10:11

Naibaly nangchi i amsi pajochi teng y pei ai adeu nai pri nangchi peang u ai nai nangchi ai pahawi ai nai tla,” nanai kai ai ang napi.

Leu Thui Nai 11:9

Huni bo y nangchi i amsi pajochi hawi nichi i kangpreangchi teng y pei ai adeu nai pa-tiu khuta hawi nai pri y, nangchi ly kra parai pa-rei awm ai nai nga u ai.

Leu Thui Nai 2:5

Na i py nangchi ly nichi ai tiu u moh. Kai ly Esaw i kangpreangchi teng y huni Edom pri pei yb veng bo.

Leu Thui Nai 34:4

Naibaly Areng my Mosi teng y, “Hini pri ly Abraham, Isaka, Jakobchi i kangpreangchi teng y pei ai, nanai kaimy adeu nai pri ne. Vai nang ly hini pri khen cham; na i py nang ly huni pri y kun ai nai ngo y leang,” napi.

Leu Thui Nai 9:5

Nangchi i hawi nai saichi deaungkho y Areng my huni pri nangchi teng y ang pei nai ny y leang. Huni khumichi i kamngo nai molam py, nangchi i amsi pajo Abraham, Isaka, Jakobchi teng y adeu nai leu khaw hai ai nai aly ngai nai molam py, Areng ly nichi ai patheu pawn ai.